جاڭا رەيتينگ: توپ-وندىققا قازاقستاننان بىردەن 3 بوكسشى ەندى

قازاقپارات بۇل تۋرالى Sports.kz سايتىنا سىلتەمە جاساپ حابارلايدى.

ورتا سالماق رەيتينگىنىڭ توپ-وندىعىنا قازاقستاننان بىردەن 3 بوكسشى ەندى: WBA Super، IBF جانە IBO چەمپيونى گەننادي گولوۆكين (42-1-1، 37 ك و)، WBO- ءنىڭ تولىققاندى چەمپيونى جانىبەك ءالىمحان ۇلى (12-0، 8 ك و) جانە WBO International چەمپيونى مەيىرىم نۇرسۇلتانوۆ (17-0، 10 ك و).

ورتا سالماقتاعىلار تىزىمىندە گولوۆكين ءبىرىنشى ورىندا تۇرسا، ءالىمحان ۇلى - سەگىزىنشى، نۇرسۇلتانوۆ - توعىزىنشى.

ايتا كەتەيىك، توپ-10 عا ەڭ كوپ بوكسشى قازاقستاننان ەنىپ وتىر. وزگە ەلدەردەن العاشقى وندىققا تەك ءبىر بوكسشىدان قوسىلعان: كىشى كريس يۋبەنك (32-2، 23 ك و، ۇلى بريتانيا)، حايمە مۋنگيا (40-0، 32 ك و، مەكسيكا)، كارلوس ادامەس (21-1، 16 ك و، دومينيكان رەسپۋبليكاسى)، سەرگەي دەريەۆيانچەنكو (14-4، 10 ك و، ۋكراينا) ، مايكل زەرافا (30-4، 19 ك و، اۋستراليا)، ەريسلاندي لارا (29-3-، 17 ك و، كۋبا / ا ق ش)، ۆينسەنت فايگەنبۋتتس (34-3، 30 ك و، گەرمانيا).

ەسكە سالايىق، جانىبەك ءالىمحان ۇلى ورتا سالماقتا WBO- دىڭ تولىققاندى الەم چەمپيونى اتانعان ەدى. بوكسشىنى بۇل جەتىستىگىمەن ق ر پرەزيدەنتى قاسىم-جومارت توقايەۆ قۇتتىقتادى. كەيىن ءالىمحان ۇلى ءتورت سالماقتا الەم چەمپيونى اتانۋعا مەملەكەت باسشىسىنا ۋادە بەردى. ەندى ول ءوز ديۆيزيونىنداعى باستى قارسىلاسى - WBC بەلدىگىنىڭ يەگەرى دجەرماللۋ چارلونى (32-0، 22 ك و) جەكپە-جەككە شاقىرىپ وتىر.

ال گەننادي گولوۆكين الداعى 17- قىركۇيەكتە ساۋل-كانەلو الۆارەسپەن ايقاسىنا دايىندىق ۇستىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى