قىسقى وليمپيادا ويىندارىنا شىڭجاڭدىق 3 قازاق سپورتشى قاتىسادى
قىتايدىڭ «ورتالىق حالىق راديوسىنىڭ» دەرەگىنشە، XXIV قىسقى وليمپيادا ويىندارىندا بايان جالىن قىزى، قادىس بادەلحان ۇلى، اقنار اداق قىزى سەكىلدى ءۇش قانداسىمىز قىتاي قۇراماسىنىڭ اتىنان ونەر كورسەتەدى. ايتا كەتەيىك، قانداسىمىز بايان جالىن قىزى 1999 -جىلى التايدىڭ جەمەنەي اۋدانىندا دۇنيەگە كەلگەن. ول بەيجىڭ قالاسىندا وتەتىن 2022 -جىلعى XXIV قىسقى وليمپيادا ويىندارىندا تاۋ شاڭعىسى سپورتىنان ونەر كورسەتەدى.
بايان 2018 -جىلدان باستاپ نورۆەگيا ەلىندە 3 جىل بويى تاۋ شاڭعىسى سپورتى بويىنشا دايىندالىپ، بىلىكتىلىگىن شىڭداعان. ال اقنار اداق قىزى 1999 -جىلى قىتايدىڭ شىڭجاڭ ولكەسىنىڭ قۇتتىبي اۋدانىندا تۋعان.
قازىرگى كۇنى اقنار كونكيمەن جۇگىرۋدەن قىتاي قۇراماسىنىڭ مۇشەسى. ول وسى ۋاقىتقا دەيىن تالاي مارتە رەسپۋبليكالىق جانە حالقارالىق جارىستاردىڭ باس جۇلدەسىن جەڭىپ العان.
جاستار اراسىنداعى كونكيمەن جۇگىرۋدەن 2019-2020 -جىلعى الەم كۋبوگىنىڭ ەكى كەزەڭىنە قاتىسقان اقنار التىننان القا تاققان. تاعى ءبىر قانداسىمىز قادىس بادەلحان ۇلى 1999 -جىلى قىتايدىڭ فۋكاڭ قالاسىندا تۋعان. ول وسى جولعى وليمپيادا ويىندارىندا تاۋ شاڭعىسى سپورتىنان ونەر كورسەتەدى.
اۆتور: باقىتجول كاكەش
