وق-دارىلەر قويماسىنداعى ءورت: تاعى 3 ءمايىتتىڭ جەكە باس مالىمەتتەرى انىقتالدى
بۇل تۋرالى قورعانىس مينيسترلىگى حابارلادى. ولار: - 1- ق ءو س ب قىزمەتكەرى- جۇرگىزۋشىسى اعا سەرجانت عافان جومارت ۇلى قۋاتبەك 1995 ج. ت.، - 4-شى ءو س ب ءورت ءسوندىرۋشى- قۇتقارۋشىسى سەرجانت ادىلەت قاناتبەك ۇلى ادىلبەك 1987 ج. ت.، - 4-شى ءو س ب ءورت ءسوندىرۋشى- قۇتقارۋشىسى قاتارداعى جاۋىنگەر ءالىبي بەكسۇلتان ۇلى كەڭەس 1999 ج. ت. جامبىل وبلىسى بويىنشا ت ج د- نىڭ قىزمەتكەرلەرى.
ەستەرىڭىزگە سالا كەتسەك، 26-تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى. سوڭعى مالىمەت بويىنشا، جامبىل وبلىسىنداعى جارىلىستان 14 قازا تاپقان.
ق ر پرەزيدەنتى قاسىم-جومارت توقايەۆ 29-تامىزدى جالپىۇلتتىق ازا تۇتۋ كۇنى دەپ جاريالادى. 27-تامىزدا مەملەكەت باسشىسى قاسىم-جومارت توقايەۆ اتالمىش توتەنشە جاعداي بويىنشا شۇعىل جينالىس وتكىزىپ، ۆەدومستۆوارالىق مەملەكەتتىك كوميسسيا قۇرۋدى تاپسىردى.
سونداي-اق، ول باس پروكۋراتۋرا مەن ىشكى ىستەر مينيسترلىگىنە جامبىل وبلىسىنداعى وقىس وقيعانىڭ ءمان- جايىن جانە كىنالىلەردى انىقتاۋ ءۇشىن سوتقا دەيىنگى تەرگەۋ امالدارىن مۇقيات جۇرگىزۋدى جۇكتەدى. بۇعان دەيىن قازا تاپقان اسكەري قىزمەتشىلەردىڭ اتى-ءجونى جاريالانعان ەدى.
