ەلوردادا بيىل 3 ميلليون شارشى مەتردەن استام تۇرعىن ءۇي سالۋ جوسپارلانىپ وتىر
قازىرگى ۋاقىتتا قالادا تۇرعىن ءۇي كەزەگىندە 48 مىڭنان استام ادام تۇر. بىلتىر قالادا 3 ميلليون شارشى مەتردەن استام تۇرعىن ءۇي سالىندى. ونىڭ %80 جەكە ينۆەستيتسيا. بيىل بۇل كورسەتكىشتى 3,2 ميلليونعا دەيىن ارتتىرۋ جوسپارلانىپ وتىر.
«مەملەكەت باسشىسىنىڭ قولجەتىمدى تۇرعىن ءۇي سانىن، قۇرىلىس كولەمىن ءۇش ەسەگە ارتتىرۋ تۋرالى تاپسىرماسى بولدى. وتكەن جىلى ءبىز بۇل ۇدەدەن شىعا بىلدىك. مىسالى، جەڭىلدىكپەن بەرىلەتىن پاتەر الۋشىلار ساناتىن كەڭەيتتىك. ەندى الەۋمەتتىك پاتەرلەرگە تەك مەديتسينا قىزمەتكەرلەرى مەن مۇعالىمدەر عانا ەمەس، الەۋمەتتىك سالانىڭ باسقا دا وكىلدەرى، ءورت سوندىرۋشىلەر، مادەنيەت جانە سپورت قىزمەتكەرلەرى، پوليتسيا قىزمەتكەرلەرى دە قاتىسا الادى. ال تۇرعىن ءۇي سەرتيفيكاتتارىنىڭ سوماسىن 1 ميلليون تەڭگەدەن 1,5 ميلليون تەڭگەگە دەيىن ارتتىردىق. جاستارعا كەلەتىن بولساق، ەلباسىنىڭ باستاماسىمەن ەلوردادا «جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي» باعدارلاماسى ەكى جىلدان بەرى جۇرگىزىلىپ كەلەدى»،-دەيدى اكىم.
نۇر- سۇلتاندا 2019 -جىلى 2900 الەۋمەتتىك پاتەر بەرىلسە، 2020 -جىلى 7 مىڭنان استام پاتەر تابىس ەتىلدى.
ال بيىل بۇل كورسەتكىشتى 10 مىڭعا دەيىن جەتكىزۋ جوسپارلانىپ وتىر. قالا اكىمدىگى الەۋمەتتىك نىسانداردىڭ «قادامدىق قولجەتىمدىگىن» قامتاماسىز ەتۋدى باستى ماقسات ەتىپ قويعان بولاتىن. التاي كولگىنوۆتىڭ ايتۋىنشا جاڭا تۇرعىن ءۇي كەشەنى سالىنىپ بەرىلە سالماي، ءبىرىنشى قاباتتارىندا « ءۇي ماڭىنداعى دارىگەر» مەديتسينالىق مەكەمەلەرىن اشىلادى. ولاردىڭ قاتارىندا وڭالتۋ ورتالىعى، بالاباقشا، مەديتسينالىق كومەك كورسەتۋ پۋنكتى، پوليتسيانىڭ تىرەك پۋنكتى جانە تاعى باسقا الەۋمەتتىك نىساندار بار.
