ەلورداعا ۇشاقپەن كەلگەن 3 مىڭ جولاۋشى كارانتينگە جاتقىزىلدى

«قالادا ىندەتكە شالدىققاندار سانى 14710 ادامعا جەتتى، ونىڭ ىشىندە 14069 ادام نەمەسە 96 پايىزى جازىلىپ شىقتى. قايتىس بولعاندار سانى - 318 (%2,2). 119 ادام ستاتسيوناردا ەم الۋدى جالعاستىرۋدا. ونىڭ ىشىندە 114 ى ينفەكسيالىق اۋرۋحانادا، قالعاندارى كارانتين ستاتسيونارىندا»، - دەدى ت. مۇراتوۆ ونلاين رەجيمدە وتكەن كوروناۆيرۋس ينفەكسياسىنىڭ الدىن الۋ شارالارى بويىنشا باسپا ءسوز ءماسليحاتىندا.

ونىڭ ايتۋىنشا، 1020 ورىنى بار 7 اۋرۋحانا قىزمەت جاساۋدا، ونىڭ بەسەۋى ينفەكسيالىق (320 توسەك)، ەكەۋى كارانتيندىك (700 توسەك).

«جەدەل جاردەم قىزمەتىنە قازىر تاۋلىگىنە قالا تۇرعىندارىنان 1500 دەن استام قوڭىراۋ شالىنۋدا، سونىڭ ىشىندە ۇيگە شاقىرتىلعاندار سانى 1100 دەن اسادى. ال كۆي بويىنشا سۇراقتارمەن تەلەفون شالۋدىڭ ورتاشا سانى 14 كە جەتىپ وتىر»، - دەدى باسقارما باسشىسى.

ونىڭ سوزىنە قاراعاندا، قالادا 6-قازان مەن 5-قاراشا ارالىعىندا 153 رەيس قابىلداندى، ياعني بۇل شامامەن 18 مىڭعا جۋىق جولاۋشى. ولاردىڭ اراسىندا 3028 جولاۋشى كارانتين ستاتسيونارىنا جاتقىزىلىپ، سونىڭ بەسەۋىندە ىندەت انىقتالدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى