جەڭىلىپ كورمەگەن 3 قازاقستاندىق بوكسشى رەسەيدە تيتۋلدىق جەكپە- جەك وتكىزەدى
ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، ءۇش بوكسشىمىز تيتۋلدىق جەكپە- جەكتەرىن وتكىزەدى. ال AllChampions.ru سايتىنداعى اقپاراتقا سۇيەنسەك، ءتۋرنيردىڭ باستى ايقاسىندا 28 جاستاعى وتانداسىمىز بوبىرجان مومىنوۆ (11-0، 8 ك و) رەسەيلىك ۆاگيناك تامرازيانمەن (17-7، 5 ك و) جارتىلاي ورتا سالماقتاعى (66,7 ك گ) IBF Intercontinental بەلدىگىن ساراپقا سالادى. اۋەسقوي بوكستا قازاقستاننىڭ ءۇش دۇركىن چەمپيونى بولعان 29 جاستاعى ارمان رىسبەك (7-0، 6 ك و) رەسەيدىڭ وزگە سپورتشىسى ارتەم برۋسوۆپەن (9-0، 8KO) كەزدەسەدى. ەكىنشى ورتا سالماقتاعى (76 ك گ) جەكپە- جەك IBF Europe تيتۋلى ءۇشىن وتەدى. 18 جاستاعى داستان ءسادۋ ۇلى (3-0، 3 ك و) جەڭىل سالماقتاعى (61 ك گ) WBC Asia چەمپيونى اتاعى ءۇشىن كۇرەسەدى. ونىڭ قارسىلاسى - رەسەيلىك ۆيلدان ميناسوۆ.
