الماتى وبلىسىندا 3 تونناعا جۋىق زاڭسىز اۋلانعان بالىق تاركىلەندى
تىركەلگەن دەرەكتەر بويىنشا قىلمىستىق ءوندىرىس قوزعالدى، دەپ حابارلايدى قازاقپارات ءتىلشىسى.
«بيىل تابيعات قورعاۋ ءتارتىبىن بۇزۋدىڭ 31 دەرەگى بويىنشا قىلمىستىق ءىس قوزعالدى. ونىڭ ىشىندە زاڭسىز بالىق اۋلاۋدىڭ – 13، زاڭسىز اڭ اۋلاۋدىڭ 10، اعاشتاردى وتاۋدىڭ 4، جەر قويناۋىن زاڭسىز يگەرۋدىڭ 3 دەرەگى بار. سوتقا دەيىنگى تەرگەۋ امالدارى اياقتالعان سوڭ ىستەر سوتقا جولداناتىن بولادى» ، - دەدى الماتى وبلىسى پ د ج پ ق ب تابيعات قورعاۋ پوليتسياسىنىڭ ينسپەكتورى باعلان رىمجانوۆ.
سونداي- اق، 304 ازامات اكىمشىلىك جاۋاپكەرشىلىككە تارتىلعان. اڭ اۋلاۋ ءتارتىبىن ساقتاماعان 200 جۋىق اڭشىعا ءتيىستى حاتتاما تولتىرىلسا، زاڭناما تالابىن بۇزعان 67 بالىقشى ايىپپۇل ارقالادى. ءتارتىپ ساقشىلارى جىل باسىنان بەرى براكونەرلەردەن زاڭسىز اۋلانعان 3 تونناعا جۋىق بالىق، 5 قايىق پەن زاڭسىز كەسىلگەن 6 تەكشە مەتردەن استام اعاش تاركىلەگەن. سونىمەن قاتار، قۇقىق بۇزۋشىلاردان 136 دانا قۇرال- جابدىق تابىلعان. ونىڭ ىشىندەگى 30 استام اتىس قارۋىنىڭ 9 داناسى زاڭسىز ساقتالعانى اشكەرە بولدى.
