اباي تۋرالى 3 دەرەكتى فيلم تۇسىرىلەدى
«الداعى جىلى ءال- فارابيدىڭ 1150 جىلدىق، ابايدىڭ 175 جىلدىق مەرەيتويلارىن اتاپ وتەمىز. پرەزيدەنت قاسىم- جومارت توقايەۆ مەرەيتوي بارىسىندا بوس ىسىراپشىلىققا جول بەرمەي، عۇلاما تۇلعالاردىڭ ەڭبەكتەرىن حالىق اراسىندا كەڭىنەن دارىپتەۋدى تاپسىرعان ەدى. قىركۇيەك ايىنىڭ باسىندا اباي اتامىزدىڭ 175 جىلدىق مەرەيتويىن اتاپ ءوتۋ جونىندەگى مەملەكەتتىك كوميسسيا وتىرىسى ءوتتى»، - دەيدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ول مەرەيتوي اياسىندا وتكىزىلەتىن شارالار جوباسى تۋرالى ايتىپ ءوتتى.
«ابايدىڭ تولىق شىعارمالارىن 10 تىلگە اۋدارىپ، باسىپ شىعارماقپىز. بۇداي بولەك ابايدىڭ ءومىرى، شىعارماشىلىعى، مۇراسى جانە قازاق مادەنيەتىن دامىتۋداعى ءرولى تۋرالى 3 دەرەكتى فيلم ءتۇسىرىلىپ، تۇركىتىلدەس ەلدەرگە كورسەتىلمەك. كەلەسى جىلدىڭ باسىنان «ۇلى دالانىڭ ۇلى اقىنى» اتتى حالىقارالىق پوەزيالىق، اندەر جانە كۇيلەر فەستيۆالىن وتكىزبەكپىز. ءبىز مەرەيتوي دەگەندە ءبىر كۇندىك ەمەس، جۇيەلى، مازمۇندى جانە ۇزاق مەرزىمدى جوبالارعا باسىمدىق بەرۋدى ءجون دەپ ساناپ وتىرمىز»، - دەيدى ول.
ەسكە سالا كەتسەك، بۇعان دەيىن ق ر مادەنيەت جانە سپورت ءمينيسترى كىتاپحانا، تەاتر، مۋزەي قىزمەتكەرلەرىنىڭ جالاقىسى وسەتىنىن تۋرالى ايتقان بولاتىن.
اۆتور: زارينا قاھارمان
