ەلوردا كۇنىنە ارنالعان شارالار سانى 3 ەسە قىسقاردى

نۇر-سۇلتان قالاسى اكىمىنىڭ ورىنباسارى ەرلان كاناليموۆتىڭ ايتۋىنشا، شارالاردىڭ سانىمەن قاتار شىعىنى دا قىسقارعان.

«ەلوردا كۇنىن مەرەكەلەۋ اياسىندا 100 گە جۋىق شارا وتەدى. ونىڭ 73 ءى  حالىق ءۇشىن - تەگىن. بيىل رەسەيلىك جانە وتاندىق ونەر جۇلدىزدارىنىڭ قاتىسۋىمەن وتەتىن Open Air، اشىق اسپانداعى گالا-كونسەرت، حالىقتىق سەرۋەن سياقتى شىعىنى كوپ شارالاردىڭ بيۋجەتى قىسقارتىلادى»، - دەدى ول بۇگىن ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، مەرەكەلىك ءىس-شارالاردىڭ كوبى قالانىڭ شەتكەرى اۋماعىنداعى تۇرعىن القاپتارىندا ۇيىمداستىرىلماق.

«بيىل ءىس-شارالاردىڭ نەگىزگى بولىگى قالانىڭ شەتكى اۋداندارىنداعى 8 تۇرعىن القابى مەن ساياباقتاردا، سكۆەرلەر مەن بۋلۆارلاردا، ەسىل وزەنىنىڭ جاعالاۋىندا وتەدى. بۇل قالانىڭ ورتالىق بولىگىن جاپپاي شوعىرلانۋدان ارىلتىپ، قوعامدىق قاۋىپسىزدىكتى قامتاماسىز ەتۋگە مۇمكىندىك بەرەدى»، - دەدى ول.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى