جۇكتى ايەل تۇتىنۋعا ءتيىس 3 تاعام

سەبەبى قۇرساقتاعى بالاڭىز توعىز اي، 10 كۇن بويى ءسىزدىڭ ءىشىپ-جەگەن اس-سۋىڭىزدان ءنار الادى.

ەگەر دۇرىس تاماقتانباي، نارەستەگە قاجەتتى دارۋمەندى قابىلداماساڭىز پەرزەنتىڭىزدىڭ دەنساۋلىعى دىڭكەس بولۋى بەك مۇمكىن. مۇنداي ولقىلىققا جول بەرمەۋ ءۇشىن دارىگەرلەر جۇكتى ايەل تۇتىنۋعا ءتيىس ءۇش ازىق-تۇلىكتى انىقتاپ وتىر.

رەسەيلىك اق حالاتتى ابزال جاندار اياعى اۋىر كەلىنشەكتەر ءۇشىن ەڭ ءبىرىنشى ورىنعا اقۋىزدى شىعارىپ وتىر. ولاردىڭ دالەلدەۋلەرىنشە، اقۋىز قوياننىڭ ەتىندە مول. اقۋىز ادامنىڭ ىشكى ورگاندارىنىڭ قىزمەتىن جاقسارتاتىندىقتان دارىگەرلەر بولاشاق انالارعا كۇنىنە 100 گرام قوياننىڭ ەتىن جەۋگە كەڭەس بەرەدى.

ىشتە جاتقان شارانانىڭ سۇيەگى جاقسى قاتايۋ ءۇشىن انالاردىڭ راتسيونىندا كالييگە باي تاعامدار بولۋى وتە- موتە ماڭىزدى. ماماندار ەكى قابات ايەل تۇتىنۋعا ءتيىس ەكىنشى اس دەپ ىرىمشىكتى العا تارتىپ وتىر. ولاردىڭ پايىمداۋىنشا، بولاشاق انا كۇنىنە 150 گرام ىرىمشىك جەۋى ءتيىس.

ال ءۇشىنشى تاعام قانداي ەكەنىن دەپ ويلانىپ وتىرعان بولارسىز؟ ول قىرىق قاباتتىڭ ءبىرى بولىپ تابىلاتىن - بروككولي. ادام دەنساۋلىعىنا ونىڭ پايداسى وتە زور.

بروككليدىڭ قۇرامىندا اعزامىزعا اسا قاجەتتى امينقىشقىلى مەن اقۋىزعا باي. بۇل دارۋمەندەر راك اۋرۋىنىڭ الدىن الادى. بروككليدىڭ پايداسىن ەسكەرگەن دارىگەرگەن اياعى اۋىر ايەلدەرگە بۇل ازىقتى كوپتەپ تۇتىنۋعا كەڭەس بەرەدى. ونىڭ ۇستىنە، قىرىق قاباتتىڭ بۇل ءتۇرى جۇكتى ايەلدەردىڭ ارتىق سالماق قوسپاۋىنا ىقپال ەتەدى. سوندىقتان ونى مولشەلەرىنە قاراماستان كۇندەلىكتى جەپ تۇرىڭىز.

دەرەككوز: Reactor

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى