قازاقستاننىڭ باسىم بولىگىندە 3- مامىر كۇنى جاۋىن جاۋادى - قازگيدرومەت
«قازگيدرومەت» مالىمەتتەرى بويىنشا، جاڭبىر تەك ەلدىڭ باتىسى مەن وڭتۇستىگىندە عانا جاۋىن-شاشىن بولمايتىنىن حابارلايدى. رەسپۋبليكانىڭ كەي جەرلەرىندە كۇن كۇركىرەپ، جەل كۇشەيىپ، وڭتۇستىكتە شاڭدى داۋىل كوتەرىلەدى.
شىعىس قازاقستان وبلىسىنىڭ ءبىرقاتار ايماقتارىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيىپ، تۇندە ەكپىنى سەكۋندىنا 25 مەترگە دەيىن جەتەدى. تۇندە جانە كۇندىز جەكەلەگەن اۋدانداردا تۇمان تۇسەدى.
اقمولا وبلىسىنىڭ كەي جەرلەرىندە سەكۋندىنا 15-20 مەتر جىلدامدىقپەن جەل ۇيتقيدى، تۇندە جانە تاڭ اتا تۇمان تۇسەدى.
قوستاناي، تۇندە پاۆلودار، كۇندىز جامبىل، وڭتۇستىك قازاقستان، ماڭعىستاۋ وبلىستارىندا جەلدىڭ جىلدامدىعى سەكۋندىنا 15-20 مەترگە جەتەدى.
قىزىلوردا وبلىسىندا كۇندىز ءبىرقاتار ايماقتاردا جەل كۇشەيىپ، جىلدامدىعى سەكۋندىنا 15-20 مەتر بولادى، شاڭدى داۋىل دا كوتەرىلۋى ىقتيمال. سولتۇستىك قازاقستان، قاراعاندى وبلىستارىندا تۇمان تۇسەدى دەپ كۇتىلۋدە.
