قازاقتىڭ 3-عارىشكەرى: ماقساتىمىز - الەمدىك نارىقتا ساپالى قىزمەتتەر كورسەتۋ - فوتو
كەزدەسۋ بارىسىندا تاراپتار «قازاقستان عارىش ساپارى» ا ق- نىڭ جوعارى دالدىكتى سپۋتنيكتىك ناۆيگاتسيا جۇيەسىنىڭ جەرۇستى ينفراقۇرىلىمىن پايدالانۋ، ناۆيگاتسيالىق قىزمەت كورسەتۋ باعىتىندا پىكىر الماستى. وسى رەتتە عارىشكەر اتالعان كومپانيانىڭ وڭتۇستىك قازاقستان وبلىسىنىڭ اۋىل شارۋاشىلىعى، جەر ينپەكسياسى، توتەنشە جاعدايلاردىڭ الدىن الۋ شارالارىنا سپۋتنيكتىك ناۆيگاتسيالىق قىزمەت كورسەتە الاتىنىن جەتكىزدى.
«ەلىمىزدە «قازاقستان عارىش ساپارى» ۇلتتىق كومپانياسى» اكسيونەرلىك قوعامى مەملەكەتتىڭ ءجۇز پايىز قاتىسۋىمەن 2005 -جىلى قۇرىلعان بولاتىن. كومپانيانىڭ ماقساتى - 2020 -جىلعا قاراي جوعارى تەحنولوگيالىق، قارقىندى دامىپ كەلە جاتقان، باسەكەگە قابىلەتتى عارىش جۇيەلەرىن دەربەس جوبالاۋعا، جاساۋعا جانە پايدالانۋعا، ءارى وڭىرلىك جانە دۇنيەجۇزىلىك نارىقتاردا تالاپ ەتىلەتىن ساپالى قىزمەتتەر كورسەتۋ بولىپ تابىلادى. بۇل رەتتە ءبىزدىڭ كومپانيا وڭتۇستىك قازاقستان وبلىسىنىڭ دامۋشى سالالارىنا ءوزىنىڭ ۇلەسىن قوسا الادى» - دەدى ايدىن ايىمبەتوۆ.
عارىشكەردىڭ ۇسىنىسىن قابىل العان ءوڭىر باسشىسى وبلىستىڭ تىنىس- تىرشىلىگىن بايانداپ بەردى.
«ءسىز قازاق حالقىنىڭ ۇلگى تۇتار ازاماتىنىڭ ءبىرىسىز. وڭتۇستىك قازاقستان وبلىسىنىڭ اگرارلىق الەۋەتى وراسان. قازىر وسى سالاداعى الەۋەتتەرىمىزدى كەڭىنەن پايدالانۋعا كۇش سالىپ جاتىرمىز. الداعى ۋاقىتتا جەر يگەرۋ سەكىلدى وزەكتى ماسەلەلەردە «قازاقستان عارىش ساپارى» ۇلتتىق كومپانياسىڭ قىزمەتتەرىن پايدالانۋعا مۇددەلى ەكەنىمىزدى جەتكىزگىم كەلەدى»، - دەدى جانسەيىت تۇيمەبايەۆ.
ءوز كەزەگىندە حالىق قاھارمانى ايدىن ايىمبەتوۆ تە زور ىقىلاسپەن قارسى العان وبلىس باسشىلىعىنا ەرەكشە ريزاشىلىعىن ءبىلدىردى.
