بەس جىلدان كەيىنگى ۇلكەن 3 وزگەرىس

سونىمەن الداعى 5  جىلدان كەيىن قانداي وزگەرىستەر بولۋى مۇمكىن؟ تەلەديداردىڭ ۋاقىتى ءوتىپ بارادى وتباسىنىڭ كوزايىمى بولعان تەلەديداردىڭ دا داۋرەنى ءوتىپ بارادى. «سەريالىم ءوتىپ كەتتى»، «فۋتبول كورە الماي قالدىم»، «جاڭالىقتاردان قالىپ قويدىم» دەيتىن اتا- انالارىمىزدىڭ، جالپى حالىقتىڭ الاڭداۋى ازايادى. سەبەبى ونىڭ ورنىنا YouTube الەۋمەتتىك كانالى كەلەدى.  قازىردىڭ وزىندە تىكەلەي ەفير ارقىلى جۇمىس جاساپ وتىرعان كانالدىڭ كورەرمەنى كوپ. بارلىق وتباسىندا ينتەرنەت، كومپيۋتەر، نوۋتبۋك، ۇيالى تەلەفون بار. ال بۇل قاجەتتىلىكتەرى بارلىق مۇمكىندىكتى جاساپ بەرە الادى. ءوتىپ كەتكەن، قالىس قالعان فيلمدەرىڭىزدى، سەريالدى، جاڭالىقتى كەيىن قايتالاپ كورۋگە جانە جولدا كەلە جاتىپ تىكەلەي ەفير ارقىلى تاماشالاۋعا مۇمكىندىك الاسىز.

 الداعى 5 جىلدان كەيىن قولعا پۋلت ۇستاپ، تەلەديداردىڭ الدىندا تاپجىلماي وتىرىپ جاڭالىق قاراۋدىڭ قاجەتى جوق. قاي جەردە وتىرسىز الدە جۇمىس جاساپ جاتسىز سول جەردەن تىكەلەي اقپارات الا الاسىز. WhatsApp ورنىن باساتىن باعدارلاما بار بۇرىن ادامدار ءبىر- بىرىمەن تىلدەسۋ ءۇشىن حاباردى ات ۇستىندەگى حابارشىعا ايتىپ جىبەرەتىن بولعان. بۇل 1-2 ايعا سوزىلىپ، جاۋاپ 3-4 اي ىشىندە كەلەتىن بولسا، ۋاقىت وتە كەلە پوشتا ارقىلى حات جازىپ، 2-3 اپتا ىشىندە الۋعا مۇمكىندىك تۋدى. ال قازىر شە؟ اراسى بىرەر سەكۋندتاردىڭ ىشىندە حات جىبەرىپ، جاۋاپ الا الاسىز. بۇل تەحنولوگيانىڭ دامۋى. مۇنىمەن توقتاپ قالعان جوق. Whatsapp الەۋمەتتىك چاتى پايدا بولعالى ادامدار بارا- بارا تەلەفونمەن سويلەسكەننەن گورى، جازۋ ستيلىنە اۋىسىپ كەتتى.

جاقىندا «Telegramm» الەۋمەتتىك چاتى پايدا بولدى. حالىق اراسىندا ءالى دە ەرەكشە سۇرانىسقا يە بولماعانىمەن، الداعى 5 جىلدا ونىڭ ءباسى باسىم بولادى. سەبەبى «Telegramm» ارقىلى تەك چات الماسپايسىز، اقپاراتتاردى دا وقي الاسىز. قۇرىلىمى قاراپايىم، كوپ فۋنكتسيونالدى الەۋمەتتىك چاتتىڭ جاپپاي سۇرانىسقا يە بولار كۇنى جاقىن. قازىردەن باستاپ «Telegramm» جەلىسىن جۇكتەپ الىڭىز. گازەت- جۋرنال وقيتىن اۋديتوريا قالدى ما؟ گازەت پەن جۋرنالدىڭ دا زامانى ءوتتى. بارلىق ب ا ق وكىلدەرى سايت پەن facebook جەلىسى ارقىلى اقپاراتتى دەر كەزىندە الۋعا اۋىستى. گازەت پەن جۋرنالعا شىعاتىن اقپاراتتار كەم دەگەندە ەكى كۇنگە كەشىگىپ شىعادى. ال اقپارات جاساۋشى الەۋمەتتىك جەلى مىڭ اقپاراتتى ءبىر كۇندە بەرۋگە اسىعادى. ادام ميى دا ولاردى تەز قابىلداپ، كەرەگىن قالدىرۋعا تىرىسادى. قازىر گازەت- جۋرنال وقيتىن ساناۋلى عانا اۋديتوريا قالدى دەمەسەڭىز، 21 - عاسىرعا بەيىم جاستار مەن الدىڭعى بەيىم بۋىننىڭ قالاۋى -  الەۋمەتتىك جەلى. ەندەشە سۇرانىسقا نە يە، سول كوش باستايدى. كوش سوڭىندا قالعاندارى جوق بولىپ كەتە بەرەدى. ولاردىڭ تەك ەسكە الامىز. بولاشاقتىڭ جاۋاپكەرشىلىگى زور. دايىن بولىڭىز! 

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى