فۋتزال: ستۋدەنتتەر ليگاسىنىڭ جەڭىمپازى 3 ميلليون تەڭگە ۇتىپ الدى
قاراشانىڭ 11 ءى مەن 19 ى ارالىعىندا وتكەن تەڭبىل دوپ دوداسىنىڭ جەڭىمپازى بولىپ كاسپي ۋنيۆەرسيتەتىنىڭ ستۋدەنتتەرى اتاندى.
ولار فينالدىق ويىندا قاراعاندىلىق ەكونوميكا ۋنيۆەرسيەتىنىڭ ويىنشىلارىن 6:4 ەسەبىمەن ۇتىپ، 3 ميلليون تەڭگە سىياقىعا قول جەتكىزدى، ال سولتۇستىكتەن كەلگەن قوناقتار 500 مىڭ تەڭگەگە يە بولسا، ءۇشىنشى ورىن العان IT حالىقارالىق ۋنيۆەرسيتەتى 300 مىڭ تەڭگەمەن ماراپاتتالدى.
ولار ە ت ۋ ستۋدەنتتەرىمەن نەگىزگى ۋاقىتتا 1:1 ويناپ، ماتچدان كەيىنگى پەنالتيدە 3:1 ەسەبىمەن جەڭدى.
«ءبىز وسى جەڭىستى ۇزاق كۇتتىك، - دەيدى كاسپي ۋنيۆەرسيتەتىنىڭ ويىنشىسى الماز دىلدابەكوۆ. بارلىق قارسىلاستارىمىز قيىن بولدى، ءبىراق باعىمىزعا وراي جەڭىس بىزگە بۇيىردى. وتە قۋانىشتىمىز. ءدال وسىنداي دەڭگەيدەگى جارىس بىزگە جەتىسپەگەن ەدى. ۇيىمداستىرۋشىلارعا كوپ راحمەت. وسىنداي ۇلكەن ارەنادا ونەر كورسەتۋ ءبىز ءۇشىن ماقتانىش. الداعى ۋاقىتتا الەم چەمپيوناتىنىڭ فينالىندا شىعامىز دەپ ۇمىتتەنەمىن»، - دەپ قورىتىندىلادى ول.
جەڭىمپازدار مەن جۇلدەگەرلەر اقشالاي سىيلىقتان باسقا ديپلوم، مەدال جانە كۋبوكتارمەن ماراپاتتالدى. ولاردى قۇتتىقتاۋعا الماتى قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى ءابىل دوڭبايەۆ، ق ر ستۋدەنتتىك سپورت فەدەراتسياسىنىڭ پرەزيدەنتى قايرات زاكيريانوۆ، فۋتزالدان ۇ س ل پرەزيدەنتى دامير شىنىبەكوۆتا كەلدى.
