قازاقستاندا 3 ءتىلدى جەتىك مەڭگەرگەن مۇعالىمدەردىڭ جالاقىسى ارتپاق
ولارعا تەك 40 مىڭ گرانت بولىنگەن. سوندىقتان جوعارعى وقۋ ورىندارىندا تەگىن ءبىلىم الۋعا تالاس قىزۋ بولعانى ءسوزسىز، دەپ حابارلايدى «الماتى» ارناسى.
نەگىزى، بيىل مەملەكەتتەن بولىنگەن گرانت كولەمى بىلتىرعى جىلمەن سالىستىرعاندا 6 مىڭعا كوپ. ال ۇلتتىق ءبىرىڭعاي تەستىلەۋدەن سۇرىنگەن وقۋشىلار، قايتا سىناقتان ءوتىپ، باقتارىن سىناي الادى.
«گرانتتار بەلگىلى ماماندىق بويىنشا، ۇلتتىق ءبىرىڭعاي تەستىلەۋدە العان بالدىق سەرتيفيكات سىندى ەرەكشەلىكتەر بويىنشا كونكۋرستىق جۇيە نەگىزىندە تاعايىندالدى. وتكەن جىلداعىداي، ارينە، «التىن بەلگى» يەگەرلەرىنە، تەحنيكالىق مەكەمەلەردى بىتىرگەن تالىمگەرلەرگە باسىمدىق بەرىلدى»، - دەدى مەملەكەتتىك گرانت تاعايىنداۋ كوميسسياسىنىڭ مۇشەسى گۇلجامال جاپاروۆا.
سونىمەن قاتار، بيىل العاشقى قوڭىراۋ «قۇربان ايت» مەرەكەسىنە وراي 2- قىركۇيەككە شەگەرىلدى. استانادا مەكتەپ تابالدىرىعىن 23 مىڭعا جۋىق ءبۇلدىرشىن اتتاماق. ۇستازدار ءۇشىن دە جاعىمدى جاڭالىق. الداعى ۋاقىتتا 3 ءتىلدى جەتىك مەڭگەرگەن مۇعالىمنىڭ جالاقىسى 200 پايىزعا ارتۋى مۇمكىن. ياعني، بازالىق 17 مىڭ تەڭگە ەڭبەكاقىنىڭ ۇستىنە قوسىمشا 35 مىڭ تەڭگە ۇلەستىرىلەدى.
