جەكەمەنشىك ءۇي تۇرعىنى مەن 3 قۇتقارۋشى ءيىس ءتيىپ قازا تاپتى
بۇل تۋرالى رەسەي تەرگەۋ كوميتەتىنىڭ ءوڭىر بويىنشا تەرگەۋ باسقارماسىنىڭ سايتىندا حابارلاندى. 25 -شىلدەدە، سەيسەنبىدە تياجينسك اۋدانىندا جەكەمەنشىك ءۇيدىڭ جەرقويماسىنان 75 جاستاعى ەر ادامنىڭ مۇردەسى تابىلدى. وقيعا ورنىنا جەدەل تەرگەۋ توبى مەن قۇتقارۋشىلار جەتتى. ت ج م 4 قىزمەتكەرى مۇردەنى سىرتقا شىعارۋ ءۇشىن جەرقويماعا ءتۇستى. الايدا بىرنەشە ۋاقىتتان كەيىن ولار بايلانىسقا شىقپاي قالدى. ەكىنشى جاساق جەرقويمادان 4 قازا تاپقان ادامنىڭ مۇردەسىن سىرتقا الىپ شىقتى. تاعى ءبىر قۇتقارۋشى ۋلانعان بەلگىلەرمەن اۋرۋحاناعا جاتقىزىلدى. كۇندىز ەر ادام جەرقويماعا ءتۇسىپ، شىعا الماعان، تۋىستارى ت ج م كومەككە شاقىرعان.
