جىل سايىن 3 ميلليون توننا كالي تۇزى قىتايدا وڭدەلەدى

 دەپ حابارلادى ورتالىق قىتاي ب ا ق- تارى. 

 Chongqing Agricultural Production Material Group پەن قازاقستاندىق Kazakhstan Potash Corporation (KPC كومپانياسى قول قويعان كەلىسىمگە سايكەس كالي تىڭايتقىشتارىن شىعاراتىن جاڭا ورتالىقتىڭ اينالىم كولەمى جىلىنا 3 ميلليون تونناعا جەتەدى.

 Chongqing Agricultural Production Material Group باسقارما ءتوراعاسى ۋاڭ جۋنچەننىڭ ايتۋىنشا، ورتالىقتا شىعارىلاتىن حيميالىق تىڭايتقىشتار وڭتۇستىك باتىس قىتايدا ساتىلادى، جاپونياعا جانە وڭتۇستىك- شىعىس ازيا ەلدەرىنە ەكسپورتتالادى.

بۇل ىنتىماقتاستىق «ءبىر بەلدەۋ، ءبىر جول» باستاماسىن جۇزەگە اسىرۋ اۋقىمىنداعى پراكتيكالىق شارالار رەتىندە قاراستىرىلادى.

«كەلىسىم قازاقستاندىق كالي تۇزىنىڭ چۇڭشيڭ نارىعىنا شىعۋىن كوزدەيدى، ول مۇندا شىنجاڭ- ۇيعىر اۆتونوميالىق ولكەسى ارقىلى وتەتىن چۇڭشيڭ - ەۋروپا تەمىرجول باعىتىمەن جەتكىزىلەدى بۇل تاسىمال قۇنىن ەداۋىر تومەندەتەدى»، - دەپ حابارلادى ۆان چجۋنچەن.

 تاراپتار سونداي- اق چۇڭشيڭدە بىرلەسكەن كاسىپورىن جانە كەشەندى لوگيستيكالىق بازا قۇرۋعا نيەتتى، بۇل اۆتوموبيل، سۋ جانە تەمىرجول تاسىمالدارىن چۇڭشيڭ قالاسىنىڭ تسزيانتسين اۋدانىندا ىقپالداستىرۋعا مۇمكىندىك بەرەدى.

 بىرلەسكەن كاسىپورىن ءۇش- بەس جىل ىشىندە 20 ميلليارد يۋاننان استام كىرىس كەلتىرەدى، تابىس مولشەرى 200 ميلليون يۋان بولماق. كاسىپورىن شەتەلدىك قارجىلىق قوردىڭ ليستينگىسىن الۋدى جوسپارلاپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى