استانادا جىل باسىنان بەرى بوس ورىندار جارمەڭكەسى ارقىلى 3 مىڭعا جۋىق ادام جۇمىسقا ورنالاستى
جۇمىسپەن قامتۋ ورتالىعى جالپى، بيىل 12 جارمەڭكە وتكىزۋدى جوسپارلاپ وتىر.
بۇگىنگى شارا بارىسىندا 30-دان استام قالالىق جۇمىس بەرۋشى بوس جۇمىس ورىندارىن ۇسىندى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
- بەس بوس جۇمىس ورىندارى جارمەڭكەسىنىڭ قورىتىندىسى بويىنشا 175 ادام جۇمىسقا ورنالاستىرىلدى. ءتيىستى جۇمىستار جالعاسۋدا. بۇگىنگى شاراعا 30 جۋىق جۇمىس بەرۋشى قاتىسۋدا، سونىڭ ىشىندە، بيۋدجەتتىك ۇيىمدار مەن جەكە مەنشىكتى كومپانيالار. نەگىزىنەن، قىزمەت كورسەتۋ سالاسىنداعى، سونداي-اق، وندىرىستىك كومپانيالار، تاعام ونىمدەرىن شىعاراتىن كومپانيالار، قوناق ۇيلەر مەن مەيرامحانالار، بالاباقشالار مەن ەمحانالار، - دەدى استانا قالاسى جۇمىسپەن قامتۋ ورتالىعىنىڭ ديرەكتورى ولجاس ومار.
جۇمىس ىزدەۋشىلەر دە، جۇمىس بەرۋشىلەر دە بوس ورىندار جارمەڭكەسىنىڭ ماڭىزدىلىعىن اتاپ ءوتتى. ەلوردالىق جۇمىسپەن قامتۋ ورتالىعىنىڭ ۇيىمداستىرۋىمەن وتكىزىلەتىن شارالاردىڭ ارقاسىندا جەكە مەنشىكتى جۇمىس بەرۋشىلەر كوپ ۋاقىتتارىن جۇمساماي وزدەرىنە لايىقتى جۇمىسكەرلەردى تابا الادى.
- ءبىز استانا قالاسىنىڭ دۇكەندەرىنە ازىق- تۇلىك جەتكىزۋمەن اينالىسامىز. بوس ورىندار جارمەڭكەسى اسا وزەكتى، مۇندا قىزمەتىمىزدىڭ تۇتىنۋشىلارىمەن تىكەلەي تىلدەسەمىز. اتالعان شاراعا ۇدايى قاتىسىپ جۇرەمىز، جۇمىسكەرلەرىمىزدىڭ %40 «جۇمىسپەن قامتۋ ورتالىعى» ارقىلى كەلگەندەر. ءار جارمەڭكەدە 30-عا جۋىق ادام الىنادى، - دەيدى «مير كرۋپ» ج ش س كوممەرتسيالىق ديرەكتورى مۇحامەديار ساۋدەگەروۆ.
جىل باسىنان بەرى بوس ورىندار جارمەڭكەسىنىڭ ارقاسىندا 2858 ادام جۇمىسقا ورنالاستىرىلدى. ءبارى دە وزىنە لايىق جۇمىس تابا الدى. اتاپ ايتقاندا، 998 ادام قوعامدىق جۇمىستارعا كىرىستى، 411 ى كاسىپتىك دايارلاۋ، قايتا دايارلاۋ جانە بىلىكتىلىكتى ارتتىرۋ كۋرستارىنا جىبەرىلدى. سونىمەن قاتار، 254 ادام جاستار پراكتيكاسىنا قابىلداندى.
بيىل جۇمىسپەن قامتۋ ورتالىعىنا بەس جىل بولادى. وسى كەزەڭدە 36 بوس ورىندار جارمەڭكەسى وتكىزىلىپ، 30 مىڭداي ەلوردا تۇرعىنىنا جۇمىسقا ورنالاسۋعا كومەك كورسەتىلدى. بەس جىلدا 9,5 مىڭ ادام كاسىپتىك دايارلاۋ جانە قايتا دايارلاۋدان ءوتتى.
