اۋەننىڭ ىرعاعىنا ساي باراباندى 3 قولمەن ۇراتىن روبوت ويلاپ تابىلدى
جوردجيا شتاتىنداعى تەحنولوگيالىق ۋنيۆەرسيتەت ماماندارى باراباندى سوعۋعا ىڭعايلى جاساندى قول ويلاپ تاپتى. روبوت-قۇرال اۋەننىڭ ىرعاعىنا قاراي قيمىلدايدى. ەندى ونەرتاپقىشتار جاساندى زاتتى مۋزىكانتتىڭ باس ميىنىڭ بەلگىلەرىنە اسەر ەتەتىندەي ەتىپ جاساپ كورمەك، دەپ حابارلايدى 24.kz.
ماماندار «ءۇشىنشى قول» الداعى ۋاقىتتا حيرۋرگتەر مەن تەحنيكتەردىڭ قاجەتىنە جاراپ قالاتىنىنا سەنەدى.
- ءبىز وزىق تەحنولوگيالاردىڭ كومەگىمەن كوپ ءىس تىندىرۋعا بولادى دەپ سانايمىز. وسى تۇرعىدا مۋزىكا كەرەمەت مۇمكىندىك بەرەدى. ونەرپاز ءۇشىن ۋاقىت ماڭىزدى، ول ءبىر مەزەتتە ءتۇرلى نازىك قيمىلدار جاساپ ۇلگەرۋى كەرەك. كەڭىستىكتىڭ دە ءمانى زور، - دەيدى بۇل جايلى پروفەسسور جيلل ۋايگبەرگ.
