ن. نازاربايەۆ 3 ازاماتقا «قازاقستاننىڭ ەڭبەك ەرى» اتاعىن تابىس ەتتى

«بيىل «قازاقستاننىڭ ەڭبەك ەرى» اتاعىمەن ريشات امىرەنوۆ ماراپاتتالدى. ۇزاق جىل كەن وندىرىسىندە جۇمىس ىستەگەن ول ءوز كاسىبىنىڭ ۇزدىك مامانى رەتىندە قۇرمەتكە يە بولدى. ەكىباستۇزدا بىرنەشە جىلدان بەرى جۇمىس ىستەپ، ىستەگەن جۇمىسىن كورسەتىپ كەلەدى. بالالارى دا وسى سالادا ەڭبەك ەتۋدە»، - دەدى ەلباسى.

ق ر پرەزيدەنتى مۇنداي جوعارى اتاققا مۇقاش يسكانديروۆتىڭ يە بولىپ وتىرعانىن ايتىپ، ونىڭ 30  جىلدان استام ەڭبەك جولى فوسفور وندىرىسىمەن تىكەلەي بايلانىستى ەكەندىگىن اتاپ ءوتتى.

«ءدال وسىنداي اتاق بوريس كنيازوۆقا بەرىلىپ وتىر. مەن ونى ۇزاق جىلداردان بەرى تانيمىن. ول 40  جىلدان استام ۋاقىت بويى اگرارلىق سالادا جۇمىس ىستەدى. ول پروگرەسيۆتى شارۋاشىلىقتاردىڭ ءبىرىن باسقارادى، وندا ۇجىمعا زور قامقورلىق جاسالىپ، اۋىلدىڭ كوركەيۋىنە بارلىق جاعداي جاسالۋدا»، - دەدى مەملەكەت باسشىسى.

ەلباسى «وتان» وردەنىنە بەلگىلى ءانشى، كومپوزيتور ەسكەندىر حاسانعاليەۆتىڭ لايىق دەپ تانىلعانىن ەرەكشە اتاپ ءوتتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى