ق ر ۇكىمەتى باسشىسى قازاقستان-قىتاي ىسكەرلىك كەڭەسىنىڭ 3- وتىرىسىنىڭ جۇمىسىنا قاتىستى
وتىرىسقا سونداي-اق ەكى ەلدىڭ مەملەكەتتىك ورگاندارى، ءىرى كومپانيالارى جانە قارجى ينستيتۋتتارىنىڭ باسشىلارى قاتىستى.
ءىس-شارا قاتىسۋشىلارىنىڭ الدىندا سويلەگەن سوزىندە ك. ءماسىموۆ قازاقستان مەن قىتاي باسشىلارىنىڭ باستاماسىمەن قۇرىلعان ىسكەرلىك كەڭەس ەكى مەملەكەتتىڭ بيزنەس قاۋىمداستىقتارى ءۇشىن ءتيىمدى ديالوگ الاڭىنا اينالعاندىعىن باسا ايتتى.
«ەلدەرىمىزدى جاقىنداستىراتىن بىرنەشە ماڭىزدى باعدارلامالار بار. ءبىرىنشىسى - ق ح ر ءتوراعاسى شي جينپيڭنىڭ 2013-جىلى قازاقستانعا ساپارى بارىسىندا جاريالاعان «ءبىر بەلدەۋ - ءبىر جول» باعدارلاماسى. ەكىنشىسى - ق ر پرەزيدەنتى نۇرسۇلتان نازاربايەۆتىڭ «نۇرلى جول» باعدارلاماسى. وسى ەكى باعدارلاما ءبىرىن-ءبىرى تولىقتىرادى دەپ ەسەپتەيمىز. ىسكەرلىك كەڭەس پەن كاسىپكەرلەرىمىزدىڭ تابىستى قىزمەتى وسى ەكى باعدارلامامەن بايلانىستى»، - دەدى ك. ءماسىموۆ.
ك. ءماسىموۆ وتكەن جىلدىڭ جەلتوقسانىندا ق ح ر مەملەكەتتىك كەڭەسى پرەمەرى لي كىشياڭنىڭ استاناعا ساپارى بارىسىندا ىسكەرلىك كەڭەستىڭ كەزەكتى وتىرىسى وتكەندىگىن ەسكە سالدى.
«وندا ونەركاسىپتىك قۋاتتىلىقتاردى قىتايدان قازاقستانعا كوشىرۋ باعدارلاماسى تۋرالى تۇبەگەيلى شەشىم قابىلداندى. ءبىر جىل وتكەن سوڭ وسى باعدارلامانىڭ ءتيىمدى جۇمىس جاساپ جاتقاندىعىن كورىپ وتىرمىز. بۇگىن ىسكەرلىك كەڭەس اياسىندا جانە ەرتەڭ ق ح ر مەملەكەتتىك كەڭەسى پرەمەرىمەن كەلىسسوزدەر قورىتىندىسى بويىنشا ناقتى كاسىپورىندار قۇرۋ تۋرالى قۇجاتتارعا قول قويىلادى»، - دەپ باسا ايتتى ۇكىمەت باسشىسى.
ءسوز سوڭىندا ك. ءماسىموۆ ەكى ەل اراسىنداعى ساۋدا-ەكونوميكالىق ىنتىماقتاستىق پەن كورشىلىكتى قالىپتاستىرۋداعى جانە نىعايتۋداعى ايتارلىقتاي ناتيجەلەرگە قول جەتكىزىلگەندىگىن ايتىپ ءوتتى.
ىسكەرلىك كەڭەس جۇمىسىنىڭ قورىتىندىسى بويىنشا جالپى 10 ميلليارد ا ق ش دوللارىنان استام سوماعا ەكى جاقتى كوممەرتسيالىق قۇجاتتار پاكەتىنە قول قويىلدى. اتاپ ايتقاندا، «قازاق تەلەكوم» ا ق مەن China Telecom Global Limited اراسىنداعى ىنتىماقتاستىق تۋرالى مەموراندۋمعا؛ «قازمۇناي گاز» ۇ ك» ا ق مەن «Sinopec» كورپوراتسياسى اراسىندا ءوزارا تۇسىنىستىك مەموراندۋمىنا؛ «Kazakhstan Petrochemical Industries, Inc» ج ش س مەن China National Chemical Engineering Co. Ltd اراسىندا اتىراۋ وبلىسىندا ينتەگراتسيالانعان گاز-حيميا كەشەنىن سالۋ جوباسى بويىنشا ە ر س- كەلىسىمگە قول قويىلدى؛ ءتۇستى مەتاللۋرگيا (مىس ءوندىرۋ) يندۋستريالىق پاركى جوباسى بويىنشا ءوزارا تۇسىنىستىك تۋرالى مەموراندۋمعا «Central Asia Gold corporation» ج ش س مەن Shenyang Lianli Copper كومپانيالارىنىڭ باسشىلارى قول قويدى.
