وسىدان 3 عاسىر بۇرىن جوعالعان «سان- حوسە» كەمەسى تابىلدى
ونىڭ ىشىندە ۇلكەن كولەمدە التىن مەن كۇمىس جانە وزگە دە اسىل تاستار بولعان، دەپ جازادى «حابار». باعالى بايلىق امەريكا مەن كۋبا ىزدەۋشىلەرىن ءتىپتى ارازداستىرىپ تا قويعان ەدى. سۋعا باتقان اسىل تاستار بىرنەشە ميلليارد دوللاردى قۇراۋى مۇمكىن. كەمە قالدىقتارىنىڭ تابىلۋى مەن زەرتتەلۋىن ەل پرەزيدەنتىنىڭ ءوزى تىكەلەي باقىلاۋعا العان. الايدا قازىناعا قاتىستى ناقتى اقپارات جوق.
«وسىدان 307 جىل بۇرىن جوعالعان «سان- حوسە» كەمەسىنىڭ تابىلعانىنا قۋانىشتىمىن. سۋ كولىگى كاريب تەڭىزىنىڭ بىزگە تيەسىلى بولىگىنەن شىقتى. بۇل ادامزات تاريحىندا سۋ استىنان تابىلعان ەڭ ۇلكەن تابىس بولىپ سانالادى. تاريحي دۇنيەنى ساقتاۋ ءۇشىن جۇرگىزىلەتىن زەرتتەۋ جۇمىستارىنىڭ بارلىعى مەملەكەت باقىلاۋىندا بولادى»، - دەيدى كولۋمبيا پرەزيدەنتى حۋان مانۋەل سانتوس.
