استانادا مەديتسينالىق بەتپەردە كيگەندەر دۇكەننەن 3 ميلليون تەڭگە ۇرلاپ كەتتى
«21- قىركۇيەكتە بەلگىسىز بىرەۋلەر مەديتسينالىق بەتپەردە كيىپ، دۇكەنگە كىردى. ساتۋشىنى قورقىتۋ ارقىلى ولار دۇكەندەگى سەيفتى اكەتىپ، وقيعا بولعان جەردەن قاشىپ كەتتى. ساۋدا ورنىنىڭ يەسىنىڭ ايتۋىنشا، ۇرلانعان سەيفتە 3 ميلليونعا جۋىق اقشا مەن قۇجاتتار بولعان»، - دەپ جازىلعان باسپا ءسوز حابارلاماسىندا.
ءى ءى د باسپا ءسوز قىزمەتىنىڭ مالىمەتىنشە، وقيعا بولعاننان كەيىنگى ءبىر تاۋلىك ىشىندە پوليتسەيلەر كۇدىكتىلەردىڭ ءىزىن انىقتاعان. ولار سولتۇستىك قازاقستان وبلىسىنىڭ 35 جانە 28 جاستاعى ەكى تۇرعىنى بولىپ شىقتى. ۇستالعانداردىڭ ءبىرى بۇعان دەيىن «قاراقشىلىق» ارەكەتى ءۇشىن قىلمىستىق جاۋاپكەرشىلىككە تارتىلعان بولىپ شىقتى.
ەلوردالىق پوليتسەيلەردىڭ ايتۋىنشا، ۇرىلار اقشانىڭ ءبىر بولىگىن جۇمساپ ۇلگەرگەن. ۇستالعاندار قاماۋعا الىندى. سوتقا دەيىنگى تەرگەۋ امالدارى باستالدى.
