الماتىدا جالعان قۇجات كورسەتكەن ۇلى بريتانيانىڭ 3 ازاماتى ۇستالدى
بۇل تۋرالى ق ر ۇ ق ك ش ق باسپا ءسوز قىزمەتى حابارلادى.
اتالعان ازاماتتاردىڭ قول جۇكتەرىن قاراۋ كەزىندە اۋعانستان يسلام رەسپۋبليكاسىنىڭ ءتول قۇجاتتارى جانە پاكىستان رەسپۋبليكاسىنىڭ يدەنتيفيكاتسيالىق كارتوچكالارى تابىلدى. سونداي-اق، اۋعانستان يسلام رەسپۋبليكاسىنىڭ ازاماتتارى رەتىندە اۋعانستاننان دۋبايعا ۇشىپ كەلگەندىكتەرى انىقتالدى.
بۇلار دۋبايداعى ترانزيتتىك زونادا ءجۇرىپ بەلگىسىز ادامداردان ۇلى بريتانيا ءتول قۇجاتتارىن الادى. سول ارقىلى قازاقستان رەسپۋبليكاسىنا ۇشىپ كەلىپتى. ماقساتتارى - قازاقستان اۋماعىن وتكەل رەتىندە قولدانىپ، ءبىر-ەكى كۇننەن كەيىن ەۋروپاعا ۇشۋ.
ەندى اتالعان ازاماتتار قايتادان دۋبايعا دەپورتاتسيالاناتىن بولادى.
