الماتى قالاسىندا سەل سالدارىن جويۋ جۇمىستارىنا 3 مىڭنان استام ادام جۇمىلدىرىلۋدا - فوتو

ناۋرىزباي اۋدانىنداعى تۇرعىن ۇيلەر مەن 187, 188, 192№ جالپى ءبىلىم بەرەتىن مەكتەپتەر، سونداي-اق كوشەلەر مەن جولدار سەلمەن كەلگەن باتپاق پەن تاستان تازارتىلۋدا. لاي مەن قاتتى تۇرمىستىق قالدىقتاردى قالا سىرتىنا شىعارۋ ۇيىمداستىرىلدى. قارعالى بوگەتىنىڭ تەمىر تورلارىن جانە وزەن ارناسىن تازارتۋ جۇمىستارى جۇرگىزىلۋدە. جالپى 4,2 شاقىرىم وزەن ارناسى تازالاندى. قۇلاعان اعاشتاردى كەسۋ جۇمىستارى جالعاسۋدا. قازىرگى ۋاقىتتا 83332 تەكشە مەتر سەلمەن كەلگەن لاي قالا سىرتىنا شىعارىلدى.

ەنەرگەتيكالىق قىزمەتتەر زاقىمدانعان 10 باعانانى قالپىنا كەلتىرىپ، ەلەكتر جەلىلەرىن تارتۋ جۇمىستارىن جۇرگىزۋدە. سونىمەن قاتار گاز قىزمەتى قاراعايلى ەلدى مەكەنىندەگى المالى كوشەسىن، «جايلاۋ»، «گەولوگ» جانە «ارداگەر» باۋ-باقشا قاۋىمداستىقتارىن كوگىلدىر وتىن كوزىنە قوسۋ جۇمىستارىن اتقارۋدا.

سۋمەن قامتۋ قىزمەتتەرى سۋ قۇبىرلارىن قالپىنا كەلتىرۋ ارقىلى بوگەتتىڭ جوعارى جاعىنداعى سۋدى اعىزىپ جىبەرۋ جۇمىستارىن جۇرگىزدى.

176№ مەكتەپ-گيمازيا عيماراتىندا مەديتسينالىق كومەك كورسەتۋ بەكەتى ۇيىمداستىرىلدى.

5 ستاتسيونارلىق جانە جىلجىمالى تاماقتاندىرۋ پۋنكتتەرى قىزمەت كورسەتۋدە.

بايلانىس جانە قۇلاقتاندىرۋ قىزمەتى 42 كابەلدى ليۋكتەردى تازالاۋ جۇمىستارىن جۇرگىزدى.

الاتاۋ جانە اۋەزوۆ اۋداندارىندا دا ۇيلەردى، كوشەلەر مەن جولداردى لاي مەن قاتتى تۇرمىستىق قالدىقتاردان تازارتۋ جۇمىستارى جۇرگىزىلۋدە. تازالانعان اۋماقتاردان تيىسىنشە 25455 جانە 2690 تەكشە مەتر سەلمەن كەلگەن لاي قالا سىرتىنا شىعارىلدى.

جالپى زارداپ شەككەن اۋدانداردان قالا سىرتىنا 111477 تەكشە مەتر لاي مەن قاتتى تۇرمىستىق قالدىقتار شىعارىلعان.

العاباس ەلدى مەكەنىنىڭ قالي نادىروۆ، اقپايەۆ، جاندوسوۆ، قاجىمۇقان، اسىلجانوۆ، دوستىق، اقساي جانە دومالاق انا كوشەلەرىندەگى تۇرعىن ۇيلەر مەن اۋلالاردى زالالسىزداندىرۋ جۇمىستارى جۇرگىزىلۋدە.

الماتى وبلىسىنىڭ اقساي تاۋ شاتقالىندا «قاز سەلدەن قورعاۋ» م م مەن ق ر ۇلتتىق ۇلانىنىڭ ازاماتتىق قورعانىس پولكى وڭ اقساي مۇزداق كولىندەگى ەۆاكۋاتسيالىق ارنالارىن تازالاۋ جانە تەرەڭدەتۋ بويىنشا الدىن الۋ ءىس-شارالارىن جۇرگىزۋدە. سۋدىڭ دەڭگەيىن تومەندەتۋ ماقساتىندا 8№ جانە №8а كولدەرىن بوساتۋ جۇمىستارى اتقارىلۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى