ورالداعى 3 ميلليارد دانا كىرپىش وندىرگەن كاسىپورىننىڭ ءوندىرىس كولەمى ارتۋدا
بۇگىندە 4 زاۋىتتى بىرىكتىرگەن «باتىس قازاقستان قۇرىلىس ماتەريالدارى كورپوراتسياسىنىڭ» ونىمدەرى تولىقتاي جەرگىلىكتى شيكىزات ەسەبىنەن وندىرىلەدى.
قۇرىلىس ماتەريالدارىن وندىرەتىن كاسىپورىننىڭ تاريحى وتكەن عاسىردىڭ ورتا شەنىنەن باستاۋ الادى. ول كەزدە زاۋىت جىل سايىن 120 ميلليون دانا كىرپىش شىعارىپ تۇرعان. ساز، قۇم، بور مەن تاۋ جىنىسى سەكىلدى شيكىزات تۇرلەرى جەرگىلىكتى كەن ورىندارىنان الىندى.
توقسانىنشى جىلدارى توقىراپ قالعان زاۋىتتىڭ 2000 -جىلدان باستاپ ەكىنشى تىنىسى اشىلدى. سەحتار تۇگەلدەي جاڭعىرتىلدى. وندىرىستىك جەلىلەر ءونىم ساپاسىن جاقسارتۋعا مۇمكىندىك بەرەتىن نەمىس تەحنولوگياسىمەن قامتىلدى.
نۇرلان قويشىعۇلوۆ، تەحنولوگيالىق جەلى وپەراتورى:
- مانومەترمەن قىسقاندا تاستى 250 گە دەيىن قىسادى. سول تاستىڭ سالماعى 4 ك گ دەيىن بارادى. 1988 - جىلدان بەرى جۇمىس جاسايمىن. بيىل 25 جىل بولادى. شىعارعان تاستارىمىزدىڭ ساپاسى جاقسى.
سوڭعى جىلدار بەدەرىندە كاسىپورىن قۇرعاق قۇرىلىس قوسپالارىن شىعاراتىن جانە ۇياشىقتى بەتون وندىرەتىن ەكى بىردەي وندىرىستىك جەلىنى ىسكە قوستى. ساپالى ءارى ارزان ونىممەن بارلىق ايماقتاردى قامتۋعا شاماسى جەتەدى. الايدا بۇل ىسكە ازىرگە تاسىمال باعاسى تۇساۋ بولىپ تۇر دەپ وتىر كاسىپورىن باسشىسى. ماسەلەن، ءبىر ۆاگون كىرپىشتى ەلورداعا جەتكىزۋ ءۇشىن زاۋىتقا جارتى ميلليون تەڭگە شىعىنداۋعا تۋرا كەلەدى.
مۇحامەدجان كەنجەعۇلوۆ، «باتىس قازاقستان قۇرىلىس ماتەريالدارى كورپوراتسياسى» اق باسقارما ءتوراعاسى:
- باسقا ايماقتارعا جەتكىزۋ ءۇشىن تەك تەمىرجول بار. تەمىرجول ارقىلى جەتكىزۋگە ۇكىمەت تاراپىنان كومەك بولسا، ماسەلەن تەمىرجولدىڭ تاريفىن ازايتىپ، جەڭىلدىك جاسالسا يگى ەدى. سول سەبەپتى دە قازىر كاسىپورىن ءوزىنىڭ وندىرىستىك تولىق قۋاتىن پايدالانا الماي وتىر. دەگەنمەن ىرگەتاسى قالانعاننان بەرگى ۋاقىتتا زاۋىتتا 3 ميلليارد دانادان استام كىرپىش شىعارىلعان. بۇل ورالدىق كاسىپورىننىڭ كۇشىمەن بۇتىندەي ءبىر مەگاپوليس سالۋعا جەتەتىن ءونىم ءوندىرىلدى دەگەن ءسوز.
مۇحامەدجان كەنجەعۇلوۆ، «باتىس قازاقستان قۇرىلىس ماتەريالدارى كورپوراتسياسى» ا ق باسقارما ءتوراعاسى:
- ەندى ول كوپ پە، از با؟ ەگەردە ساناپ قاراساق، 3 ميللياردتان 5 ءدالىزى بار 9 قاباتتى ۇيگە 1,5 ميلليون تاس كەرەك. سونى ەگەر ءبولىپ شاقساق، 2 مىڭنىڭ ۇستىندە ءۇي سالۋعا بولار ەدى. ەگەر پاتەر سانىن كوبەيتسەك، ءبىر ميلليون حالىق تۇراتىن قالاشىق سالۋعا بولادى.
ساپاسى سىننان وتكەن وتاندىق ءونىمنىڭ باعاسى قولجەتىمدى بولىپ وتىر. كادىمگى اق سيليكات تاستىڭ نارىقتاعى قۇنى - 30 تەڭگە. تۇتىنۋشى تاراپىنان ءتۇرلى-ءتۇستى كىرپىشكە تاپسىرىس تۇسكەن جاعدايدىڭ وزىندە 60 تەڭگەدەن اسپايدى. ال كورشى ەلدەردەن جەتكىزىلەتىن ءدال وسىنداي تاستىڭ قۇنى 120 تەڭگە شاماسىندا. ءقازىر كورپوراتسيادا 500 ادام ەڭبەك ەتەدى. قۇرىلىس الاڭدارىندا جۇمىستىڭ قىزار شاعى ءالى الدا. سول كەزدە تاپسىرىستار دا مولايىپ، ءتورتىنشى ميللياردتى باعىندىرۋعا كىرىسەمىز دەپ سەندىردى زاۋىت ەڭبەككەرلەرى.
www.24.kz
