قاڭتار- اقپاندا قازاقستاندا كوتەرمە ساۋدا كولەمى 3 پايىزعا ارتتى

بۇل تۋرالى ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.

اتاپ ايتقاندا، 2015 - جىلعى قاڭتار- اقپاندا «كولىك» سالاسى بويىنشا ناقتى كولەم يندەكسى 106,9 پايىزدى قۇراعان. ال وسى كەزەڭدە جۇك اينالىمىنىڭ كولەمى 78,5 ميلليارد توننا/شاقىرىم (كوممەرتسيالىق جۇك تاسىمالداۋمەن اينالىساتىن جەكە كاسىپكەرلەردىڭ جۇك اينالىمى كولەمىنىڭ باعالاۋى ەسەبىمەن) قۇراپ، 2014 - جىلعى قاڭتار- اقپانمەن سالىستىرعاندا 15,5 پايىزعا ارتتى. جولاۋشىلار اينالىمىنىڭ كولەمى 40 ميلليارد جولاۋشى/شاقىرىم قۇراپ، كورسەتكىش 2,9 پايىزعا ارتتى.

بۇدان بولەك، 2015 - جىلعى قاڭتار- اقپاندا «بايلانىس» سالاسى بويىنشا ناقتى كولەم يندەكسى 109 پايىزدى قۇرادى. ال وسى كەزەڭدە «ساۋدا» سالاسى بويىنشا ناقتى كولەم يندەكسى 103,2 پايىزعا جەتكەن.

«2015 - جىلعى قاڭتار- اقپاندا بولشەك ساۋدا كولەمى (قوعامدىق تاماقتاندىرۋ اينالىمىنسىز) 857,2 ميلليارد تەڭگەنى قۇراپ، 2014 - جىلعى قاڭتار- اقپانمەن سالىستىرعاندا 3,9 پايىزعا ءوستى. بۇل رەتتە كوتەرمە ساۋدا كولەمى 1993,7 ميلليارد تەڭگەنى قۇراپ، 2014 - جىلعى قاڭتار- اقپانمەن سالىستىرعاندا 3 پايىزعا ارتتى. سونىمەن قاتار، ەسەپتى كەزەڭدە تاماق ونىمدەرى مەن سۋسىنداردى ۇسىنۋ بويىنشا قىزمەتتەردىڭ كولەمى 38,6 ميلليارد تەڭگەنى قۇرادى»، دەلىنگەن باسپا ءسوز بايانىندا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى