بيىل بيۋدجەت تاپشىلىعى جالپى ىشكى ءونىمنىڭ 3 پايىزىنا دەيىن ۇلعايادى

ق ر پارلامەنتى ءماجىلىسىنىڭ جالپى وتىرىسىندا «2015-2017 - جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا بايلانىستى ۇلتتىق ەكونوميكا ءمينيسترى ەربولات دوسايەۆ وسىلاي ءمالىم ەتتى.

«جالپى ىشكى ءونىم مەن يمپورت بويىنشا بولجامنىڭ تومەندەۋىن ەسكەرە وتىرىپ، رەسپۋبليكالىق بيۋدجەت كىرىستەرى مۇناي باعاسى باررەلىنە 50 دوللار، ەكسپورتتىق كەدەن باجىنىڭ تونناسى 60 دوللار بولعان كەزدە 3 تريلليون 219,9 ميلليارد تەڭگە كولەمىندە باعالانۋدا. بۇل بەكىتىلگەن جوسپاردان 939 ميلليارد 600 ميلليون تەڭگەگە تومەن. كىرىستەرگە كۇتىلىپ وتىرعان شىعىنداردى ءىشىنارا وتەۋ ماقساتىندا 2015 - جىلى تاپشىلىقتى 259 ميلليارد 400 ميلليون تەڭگەگە ۇلعايتۋ كوزدەلەدى. بۇل ج ءى ءو- گە 3 پايىزىنا تەڭ»، - دەدى ۇلتتىق ەكونوميكا ءمينيسترى.

ونىڭ ايتۋىنشا، ۇلتتىق قوردان كەپىلدەندىرىلگەن ترانسفەرت مولشەرى 2015 - جىلى 1 تريلليون 700 ميلليارد تەڭگە شاماسىندا ساقتالادى.

اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى