كوكشەتاۋدا مەكتەپ ديرەكتورى 3 ميلليون تەڭگەگە جۋىق مەملەكەت قاراجاتىن جىمقىرعان

بۇل تۋرالى وبلىستىق سوتتىڭ باسپا ءسوز قىزمەتى ءمالىم ەتتى.

سوتقا بەلگىلى بولعانداي، كوكشەتاۋ قالالىق №6-ورتا مەكتەپ ديرەكتورى ءوزىنىڭ قىزمەتتىك لاۋازىمىن بىرنەشە رەت پايدالانىپ، مەكتەپتە جۇمىس ىستەمەگەن تۇلعالاردىڭ اتىنا ايلىق جالاقى اۋدارۋ ارقىلى، مەملەكەت قاراجاتىن يەمدەنىپ، قالاۋىنشا جۇمساپ وتىرعان.

مەكتەپ ديرەكتورىنىڭ وسى ارەكەتىنەن مەملەكەتكە 2926614 تەڭگە شىعىن كەلتىرىلگەن.

كوكشەتاۋ قالالىق سوتىنىڭ ۇكىمىمەن قالالىق №6-ورتا مەكتەپ ديرەكتورى ق ر قىلمىستىق كودەكسىنىڭ 176-بابىنىڭ 3-بولىگى «ب، گ» تارماقتارىندا، 314-بابىنىڭ 2-بولىگىندە كوزدەلگەن قىلمىستاردى جاساعانى ءۇشىن كىنالى دەپ تانىلىپ، جازاسىن ورتاق تارتىپتەگى تۇزەۋ مەكەمەسىندە وتەۋگە 5 جىل مەرزىمگە باس بوستاندىعىنان ايرىلدى.

سونداي-اق وسى ۇكىممەن وعان مەملەكەتتىك مەكەمەلەردە 5 جىلعا دەيىن قانداي دا ءبىر قىزمەت اتقارۋعا تىيىم سالىندى.

سونىمەن قاتار سوت مەكتەپ ديرەكتورىنان 2926614 تەڭگە ماتەريالدىق شىعىن سوماسىن ءوندىرىپ الۋ تۋرالى كوكشەتاۋ قالاسىنىڭ ءبىلىم ءبولىمىنىڭ قويعان ازاماتتىق تالابىن قاناعاتتاندىردى.

ۇكىم زاڭدى كۇشىنە ەنگەن جوق.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى