فرانسيا رەسەيگە تىك ۇشاق تاسيتىن ەكى كەمەنى بەرمەسە، وندا 3 ميلليارد دوللار تولەۋگە ءماجبۇر بولادى

بۇل جايىندا «Le Parisien» اتتى فرانسۋز گازەتى حابارلايدى.

كەلىسىمشارتتىڭ العاشقى بولىمىنە سايكەس، فرانسۋزدار ەكىنشى تاراپقا «ۆلاديۆوستوك» كەمەسىن قاراشانىڭ ون تورتىندە بەرۋ ءتيىس ەدى. الايدا تەحنيكا يەسى ءدال سوڭعى كەزدە اينىپ قالدى. فرانسۋا وللاند: «اتالعان كەلىسىمشارتتىڭ نەگىزگى تالابى ۋكراينا شىعىسىنداعى قارۋلى قاقتىعىستاردىڭ اياقتالۋى بولىپ سانالادى»، - دەپ، وسىعان دەيىن سان مارتە ايتقان بولاتىن.

 بۇعان جاۋاپ رەتىندە رەسەيدىڭ قورعانىس مينيسترلىگى «سىزدەردى سوتقا بەرەمىز» دەپ ەسكەرتتى. كورشى ەلدىڭ سىرتقى ىستەر ءمينيسترى سەرگەي لاۆروۆتىڭ سوزىنە سىلتەمە جاساعان «ر ي ا نوۆوستيدىڭ» حابارلاۋىنشا، رەسەي جاعى ورتاق كەلىسىمشارتتىڭ تالاپتارىنا سەنىپ وتىر. ايتا كەتۋ كەرەك، ەكىنشى «ميسترال» - «سيەۆاستوپول» كەمەسى قاراشانىڭ جيىرماسى كۇنى فرانسيانىڭ سەن- نازەرە وڭىرىندە مۇحيتقا جىبەرىلگەن بولاتىن.

«استانا» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى