دانيال احمەتوۆ سەمەي اكىمدىگىنە تاپسىرمالاردى ورىنداۋعا 3 اي مۇرسات بەردى
«ءبىر ايدان كەيىن تاعى دا كەلەم. سوندا قالانىڭ سول جاعاسىنداعى قانداي جەلىلەردى جاڭعىرتۋ قاجەتتىگىن حابارلاڭىزدار. 2025 -جىلعا دەيىن جىلۋمەن جابدىقتاۋ سحەماسىنا سايكەس جاعدايدى تۇزەتۋىمىز قاجەت، - دەدى اكىم قالا اكىمىمەن جانە دەپۋتاتتارمەن كەزدەسۋدە.
- سول جاعالاۋدا قۋاتتار 501 گ كالوريانى قۇراپ وتىر، 2025 - جىلعا دەيىن ول 640 قا جەتەدى. ءبىراق تا ج ە و-1 دە قۋاتتاردى ۇلعايتۋ مۇمكىندىگى بار. سوندىقتان دا 2025 - جىلعا دەيىن پروبلەمانى شەشۋگە بولادى، ءماسليحات دەپۋتاتتارى دا، قالا اكىمى دە - ينجەنەرلىك ينفراقۇرىلىمدى قاراڭىزدار.
سەمەي اكىمدىگىنە سونداي- اق ءبىر اي ىشىندە ەلەكترمەن جانە سۋمەن قامتاماسىز ەتۋ جانە سۋ بۇرۋ سحەماسىنا سايكەس ءبارىن قاراۋ تاپسىرىلدى. «اتاپ ايتقاندا، ءبىر اي ىشىندە سۋ تازارتاتىن قۇرىلىستاردى التى ايدان كەيىن پايدالانۋعا بەرۋ جونىندەگى ۇسىنىستارىڭىزدى بەرىڭىزدەر. ءبىر ايدىڭ ىشىندە مەنىڭ كەلەسى ساپارىما دەيىن اكىمدىك سەمەيدىڭ تازارتۋ قۇرىلىستارى بويىنشا ءجىتى اقپارات بەرۋى ءتيىس»، - دەدى شىعىس قازاقستان وبىلىسىنىڭ اكىمى.
جەرگىلىكتى بيلىككە تاعى ءبىر تاپسىرما - 2015-2017 - جىلدارداعى كەشەندى ءۇي قۇرىلىسى جوباسىمەن اينالىسۋ قاجەت، سونىڭ ىشىندە جەكە تۇرعىن ءۇي قۇرىلىسى دا قامتىلۋى ءتيىس. قالانى ساۋلەتتىك تۇرعىدان جاقسارتۋعا نازار اۋدارۋ قاجەت، دەپ اتاپ ءوتتى ش ق و اكىمى.
«بۇل مىندەتتەر قالا اكىمى مەن اكىمدىگىنە جۇكتەلىپ وتىر، ماسليحاتپەن بىرلەسىپ جۇمىس جاساڭىزدار، ءبىراق ءبىر ايدىڭ ىشىندە ءبارى بولۋى ءتيىس. بۇل مىندەتتەردى ورىنداۋعا بولادى. ولارمەن اينالىسۋ قاجەت»، - دەدى دانيال احمەتوۆ.
«قۇرىلىس قالانىڭ بارلىق يندۋسترياسىنا سەرپىن بەرەدى، قالادا بۇعان ءوندىرىس جەتكىلىكتى، ءۇي سالۋعا كەرەكتىڭ ءبارى بار. جەلتوقساندا مەن بۇل ماسەلەلەردى جانە تاياۋداعى ءۇش جىلدىڭ ىشىندەگى تۇرعىن جانە الەۋمەتتىك قۇرىلىس پەرسپەكتيۆالارىن قارايمىن، - دەپ قوستى ش ق و اكىمى.
- سۇرانىس جۇيەسى بىلاي بولادى: بۇگىندە قالا شەكتى رۇقسات ەتىلگەن شىعارىندىلاردى قامتاماسىز ەتۋمەن قانشالىقتى جۇمىس جاساپ وتىر، پرەزيدەنت ايتقان باعدارلاماعا ىلىگۋ جانە رەسۋرستار الۋ ءۇشىن تەحنيكالىق- ەكونوميكالىق نەگىزدەمەلەر جاساۋمەن اينالىسۋ قاجەت. قاڭتار ايىندا سەمەيدىڭ 2015 - جىلى اباتتاندىرىلۋىن جانە تاياۋداعى بىرنەشە جىلعا پەرسپەكتيۆالاردى قارايمىز».
دانيال احمەتوۆ اۋىل ەڭبەككەرلەرىن اۋىل شارۋاشىلىعىن دامىتۋعا كوڭىل بولۋگە شاقىردى. «اگروبيزنەس-2020» مەملەكەتتىك قولداۋ باعدارلاماسىنىڭ بارلىق ءتورت باعىتىنا ش ق و- نىڭ بارلىق اۋداندارى كىرۋى ءتيىس. اكىم سونداي- اق سەمەي بيلىگىمەن ەل پرەزيدەنتى ن. ءا. نازاربايەۆتىڭ «نۇرلى جول» جولداۋىنان تۋىندايتىن مىندەتتەردى تالقىلادى. «شىعىس قازاقستاندىقتار بۇل مىندەتتەردى جۇزەگە اسىرۋ ءۇشىن اتقارۋشى جانە وكىلەتتى بيلىك، بيزنەس بىرلەسە جۇمىس جاساۋلارى ءتيىس»، - دەپ ءسوزىن ءتۇيدى د. احمەتوۆ.
