ەلوردالىق مەكتەپتەردە 3 جاڭا اسكەري-سپورتتىق كادەت سىنىبى اشىلادى
استانا قالاسى ءبىلىم باسقارماسىنىڭ باستاپقى اسكەري دايىندىق جونىندەگى ادىسكەرى، قالالىق اسكەري-سپورتتىق كلۋبتار فەدەراتسياسىنىڭ ءتوراعاسى سەرگەي شارىپوۆتىڭ ايتۋىنشا، مەكتەپتەردە باستاپقى اسكەري دايىندىققا (ب ءا د) بولىنگەن ساعاتتاردىڭ قىسقارتىلۋىنا بايلانىستى وقۋشىلاردىڭ قوسىمشا ءبىلىم الۋىنا باسا نازار اۋدارىلۋدا. اسكەري-سپورتتىق كلۋبتار بولاشاقتا ومىرلەرىن اسكەرمەن جانە اسكەري كۇشتەرمەن بايلانىستىرعىسى كەلەتىن بالالارعا ارنالعان.
- بالالار اسكەري قولدانبالى جانە قۇقىقتىق باعىتتاعى پاندەردى، قۇقىق بۇزۋشىلىقتىڭ الدىن الۋ، اتىس جانە ساپتىق دايارلىق نەگىزدەرىن وقيدى. سونىمەن قاتار، ب ءا د ءپانىنىڭ مارتەبەسىن كوتەرۋ ءۇشىن بيىل مەكتەپتەر مەن كوللەدجدەردىڭ وقۋ-ادىستەمەلىك بازاسى %40 جاڭارتىلدى، مەكەمەلەر باسشىلارى مەن ب ءا د وقىتۋشىلارى-ۇيىمداستىرۋشىلارىنا ارنالعان سەمينارلار وتكىزىلدى، دەدى شارىپوۆ.
ونىڭ ايتۋىنشا، استانادا 41 اسكەري-سپورتتىق كلۋب بار، 2015-جىلعا قاراي ولاردىڭ سانى 15 كە ارتادى. ول كەزدە كلۋبتار بالالار ۇيلەرى مەن كەشكى مەكتەپتەردى دە قامتيتىن بولادى.
