بۇگىن «دالا داۋىسى» 3- حالىقارالىق راديوفەستيۆالى باستاۋ الادى
«دالا داۋىسى» - مۋزىكا ارقىلى قازاق ءتىلىن دۇنيەجۇزى ەلدەرى اراسىندا ناسيحاتتايتىن قازاقستانداعى ءبىرىنشى راديوفەستيۆال. فەستيۆالعا قاتىسۋشى شەت ەلدىك ۇمىتكەرگە قازاق ءانىن ورىنداۋ نەمەسە ءوز حالقىنىڭ ءانىن قازاق تىلىندە ورىنداۋ تالابى قويىلعان. ونداعى ماقسات - قازاق ءانىن شەت ەلدىكتەرگە ورىنداتۋ ارقىلى ۇلتتىق مۋزىكالىق جانە پوەتيكالىق ءتىلدى ناسيحاتتاۋ، ءسىڭىرۋ.
بۇل جىلى ەفيردەگى اپتالىق كۇندەلىكتى فەستيۆالدىڭ ديرەكتورى ماحات سادىق اشىپ، جوبا پروديۋسەرى اينۇر اباي قىزى جۇرگىزەدى. 2012 - جىلدان باستاۋ العان راديوفەستيۆالدىڭ نەگىزگى ماقساتى - قازاق ءانىنىڭ زامانۋي باسەكەگە قابىلەتتى ءتول تۋمالىق دىبىسىن ناسيحاتتاۋ، جىلدىڭ ۇزدىك اندەرىن انىقتاۋ جانە جاڭا تالانتتاردى تابۋ بولىپ تابىلادى.
«دالا داۋىسى» - تەك قانا راديوفەستيۆال ەمەس، بەدەلدى مۋزىكالىق شەرۋ. قازاق راديوسىنىڭ ميلليونداعان تىڭدارماندارى ينتەرنەت ارقىلى kazradio.kz/kz/programs/dala-dauysy سۇيىكتى اندەرىنە داۋىس بەرىپ، جەڭىمپازداردى انىقتايدى. 2012 - جىلعى ءبىرىنشى «دالا داۋىسىنا» ەكى مىڭداي ادام سايت ارقىلى داۋىس بەرسە، 2013 - جىلى 54 مەملەكەتتەن ميلليونعا جۋىق تىڭدارمان داۋىس بەرگەن. وتكەن 2 جىلدا حالىقارالىق «دالا داۋىسى» راديوفەستيۆالىنە قازاقستان، تۇركيا، قىتاي، موڭعوليا، رەسەي، قىرعىزستاننان 200 دەن استام ءانشى قاتىسىپ، لاۋرەت اتاندى.
بيىلعى «دالا داۋىسىنا» قاتىسۋعا نيەت بىلدىرگەن ورىنداۋشىلاردىڭ قاتارىندا: رەسەي، ارمەنيا، گەرمانيا، ۋكراينا، كورەيا، قىرعىزستان مەملەكەتتەرىمەن قاتار، وتاندىق جۇلدىزداردان: مارجان اراپبايەۆا، قايرات باەكەنوۆ جانە «فورمات» توبى، «مەلومەن»، «رينگو»، «زامان»، «نۇر- مۇقاسان»، «تارتۋ»، قۇرماش ماحانوۆ، شاحيريزات سەيداحمەت سىندى ۇمىتكەرلەر جانە ءسىز ەستىمەگەن جاڭا داۋىستار بار. جوبا ۇيىمداستىرۋشىلارىنىڭ جوسپارى بويىنشا، قاتىسۋعا نيەت بىلدىرگەن 100 ورىنداۋشىدان 20 ءانشى «دالا داۋىسى» 3- حالىقارالىق راديوفەستيۆالىنىڭ لاۋرەاتى اتانباق. جەڭىمپازداردى سالتاناتتى ماراپاتتاۋ كەشى 28- قاراشا كۇنى «قازمەديا ورتالىق كينو-كونسەرت زالىندا» وتكىزىلەدى.
راديوفەستيۆال جەڭىمپازدارى «ءداستۇرلى ورىنداۋشى»، «اكادەميالىق ورىنداۋشى»، «ەسترادالىق ورىنداۋشى» اتالىمدارى بويىنشا ماراپاتتالىپ، فەستيۆالدىڭ «جاڭا ەسىمدەرى» انىقتالىپ، ولارعا «دالا داۋىسىنىڭ» ارنايى ستاتۋتكاسى مەن ارنايى ديپلومىن ەلىمىزدىڭ ونەر جانە مادەنيەت، قوعام قايراتكەرلەرى تابىستايدى.
بۇگىننەن باستاپ، بۇدان كەيىن ءار بەيسەنبى سايىن ساعات 19:00 دە «قازاق راديوسىنىڭ» ەفيرىندە جۇرگىزىلەتىن «دالا داۋىسى كۇندەلىگىندە» اپتالىق قورىتىندىلار كورسەتكىشى جاريالانىپ، تىڭداۋشى تالعامى ارقىلى العاشقى بەستىكتەن كورىنگەن بەس شىعارما فينالعا وتەدى. ەفيردە ءان جانە انشىگە مۋزىكاتانۋشىلىق باعىتتاعى ساراپشىلىق باعا بەرىلىپ، پىكىرلەر بىلدىرىلەدى.
قازاق راديوسى، «دالا داۋىسى» حالىقارالىق راديوفەستيۆالىنىڭ ۇيىمداستىرۋ كوميتەتىنىڭ بايلانىس تەلەفوندارى: 7172553525+email: daladauysy@mail.ru,wwwkazradio.kz.
«قازاقستان» رەسپۋبليكالىق تەلەراديوكورپوراتسياسى «قازاقستان» ۇلتتىق تەلەارناسىن، «بالاپان» جانە «КAZsport» ارنالارىن، قازاق راديوسىن، «شالقار»، «استانا»، «Classic» راديولارى مەن ايماقتىق تەلەراديوكومپانيالاردى بىرىكتىرەدى. كورپوراتسيانىڭ رەسمي سايتى www.kaztrk.kz. كورپوراتسيانىڭ الەۋمەتتىك جەلىلەردەگى پاراقشالارى: facebook.com/Kaztrk.kz twitter.com/kaztrk_kz, youtube.com/user/NTKKazakhstan
