الماتىدا 3 ۇزدىك وتباسى انىقتالادى
المالى اۋدانىنان دارىگەرلەر وتباسى ىرىكتەلىپ الىنسا، بوستاندىق اۋدانىنان سپورتشى وتباسى تاڭدالدى.
مەدەۋ اۋدانىنىڭ نامىسىن ءتىل ەڭبەككەرى مەن اكادەميك-عالىمدار قورعايتىن بولادى.
ولاردىڭ ىشىندە قازاقستاننىڭ بەلگىلى الپينيست سپورتشىسى ماقسۇت جۇمايەۆتىڭ، اكادەميك سەرىك قيرابايەۆتىڭ، «نىسانا» تەاترىنىڭ نەگىزىن قالاۋشى اكتەر ءابۋناسىر سەرىكوۆتىڭ، بەلگىلى انشىلەر اۋلەتى - دارىبايەۆتاردىڭ وتباسىلارى ۇسىنىلدى.
بايقاۋدى وتكىزۋ جونىندەگى قالالىق اكىمدىك جانىنان قۇرىلعان كوميسسيا مۇشەلەرى وتباسىلاردىڭ ۇلتتىق ەرەكشەلىكتەرىنە، بالا سانىنا، ءبىر شاڭىراق استىندا قانشا جىل ءومىر ءسۇرىپ جاتقانىنا، كاسىبىنە، ەلىنە سىڭىرگەن ەڭبەگىنە باسا نازار اۋداردى.
«بايقاۋدى ۇيىمداستىرۋداعى ماقسات ونەگەلى قۇندىلىقتاردى جاڭعىرتۋ، ەرلى-زايىپتىلىق جاۋاپكەرشىلىگىنىڭ ماڭىزدىلىعىن مويىنداۋ، وتباسىلىق قۇندىلىقتاردى دارىپتەۋ، بالالاردى تاربيەلەۋدە اتا-انانىڭ جاۋاپكەرشىلىگىن ارتتىرۋ، سونداي-اق، قازاقستاندىق وتباسىنىڭ جاعىمدى يميدجىن ناسيحاتتاۋ ەدى. ءبىز ماقتانىش تۇتاتىن ۇلگىلى وتباسىلار الماتىدا كوپ.
ءبىزدىڭ كوميسسيا ۇزدىك دەپ تاپقان وتباسىلار رەسپۋبليكالىق بايقاۋدا الماتىنىڭ نامىسىن قورعايتىن بولادى»، - دەدى قالا اكىمىنىڭ ورىنباسارى زاۋرەش امانجولوۆا.
«مەرەيلى وتباسى» ۇلتتىق كونكۋرسى قازاقستان رەسپۋبليكاسى پرەزيدەنتىنىڭ 2013 -جىلعى 6 - جەلتوقسانداعى №250-«مەرەيلى وتباسى» ۇلتتىق كونكۋرسى تۋرالى» وكىمىنە سايكەس وتكىزىلمەك.
كوميسسيا مۇشەلەرى اتالعان وتباسىلارعا قۇپيا تۇردە داۋىس بەردى. ەندىگى كەزەكتە ۇسىنىلعان 14 وتباسىنىڭ ىشىندە 3 ۇزدىك وتباسى ىرىكتەلىپ الىنادى. كىمنىڭ قارا ۇزگەندىگىن 22 - مامىردا قالا باسشىسى احمەتجان ەسىموۆ جاريالايتىن بولادى.
اۆتور: گۇلميرا عوسمانالي
