بومبا جايلى جالعان حابار تاراتقانى ءۇشىن 3 جىلعا باس بوستاندىعىنان ايىرىلدى
«ءال- فارابي اۋداندىق سوتىنىڭ شەشىمىمەن ق ر ق ك- نىڭ 242 - بابى بويىنشا «تەرورلىق اكت جايلى جالعان حابار تاراتقانى ءۇشىن» سارسەنبەك يبراگيموۆ ايىپتى دەپ تابىلدى. سوتتا وعان قاتىستى ايىپتاۋلار راستالدى.
وعان جالپى رەجيمدەگى تۇزەتۋ مەكەمەسىندە 3 جىل جازاسىن وتەۋگە ۇكىم شىعارىلدى» ، - دەپ شەشىمدى وقىدى سۋديا ماديار ءابدىراسىلوۆ.
قىلمىستىق ءىستىڭ مالىمەتتەرى بويىنشا، 2014 -جىلدىڭ 3 اقپانىندا جاس جىگىت و ق و- نىڭ ءى ءى د- ءنىڭ كەزەكشى پۋلتىنە تەمىرجول ۆوكزالىنا بومبا قويىلعانى جايلى حابارلاعان. سالدارىنان پويىزدار قوزعالىسى توقتاتىلىپ، جولاۋشىلار عيماراتتان سىرتقا شىعارىلعان. بومبا تابىلمادى، ءبىراق تەلەفون سوققان ادامنىڭ كىم ەكەنى بىردەن انىقتالدى.
«ونىڭ كىناسىن تەلەفونىنان سوعىلعان قوڭىراۋ دالەلدەدى. بۇل تەلەفون قىلمىستىق ءىستىڭ ماتەريالدارىنا قوسىلدى. سونىمەن بىرگە ونىڭ تەلەفون سوققاننان كەيىن وسى جايلى كۋاگەرلەرگە ايتقاندىعى دالەل بولدى» ، - دەدى سۋديا.
ءوزىنىڭ بۇل ارەكەتىن سوتتا سارسەنبەك يبراگيموۆ كەك الۋ ماقساتىندا جاساعانىن جەتكىزدى. وزبەكستان ازاماتى ەكى جىل بۇرىن شەكارانى كەسىپ وتكەن. بىرنەشە رەت كوشى- قون پوليتسياسىنا بارىپ، قازاقستان ازاماتتىعىن الماق بولعان. الايدا ول شەكارادان زاڭسىز وتكەندىكتەن، ونىڭ ءوتىنىشى قاناعاتتاندىرىلماعان. وسىعان نالىعان ول بۇل قوڭىراۋدى ماس كۇيىندە شالعان بولىپ شىقتى.
