شىمكەنتتە اۆتوبۋس تىزگىنىندە تەلەفونمەن سويلەسكەن 39 جۇرگىزۋشىگە ايىپپۇل سالىندى

ءۇش كۇن ىشىندە 250 دەن استام جول ءجۇرۋ ەرەجەسىن بۇزۋ فاكتىسى انىقتالدى، دەپ حابارلايدى قازاقپارات.

قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتالعان ءىس- شارانىڭ ماقساتى - ءبىرىنشى كەزەكتە اۆتوبۋس جۇرگىزۋشىلەرى اراسىندا جولدا ءجۇرۋ ءتارتىبىن ارتتىرۋ، اۆتوبۋستاردىڭ تەحنيكالىق جاعدايىن تەكسەرۋ، مارشرۋتتا جۇرگىزۋشىلەردى مەديتسينالىق تەكسەرۋدەن وتكىزۋ جانە قۇجاتتاردى تەكسەرۋ.

ءۇش كۇن ىشىندە شىمكەنت قالاسىنىڭ جەرگىلىكتى پوليتسيا قىزمەتى باسقارماسىنىڭ قىزمەتكەرلەرى جول ءجۇرۋ ەرەجەلەرىن ساقتاۋ بويىنشا جۇرگىزۋشىلەرمەن پروفيلاكتيكالىق اڭگىمە وتكىزدى.

«اۆتوبۋس» جەدەل الدىن الۋ ءىس-شاراسى بارىسىندا جولاۋشىلاردى تاسىمالدايتىن اۆتوبۋستاردىڭ جۇرگىزۋشىلەرى 259 رەت جول ءجۇرۋ ەرەجەسىن بۇزعانى انىقتادى. ونىڭ ىشىندە: ق ر ا ق ب ت ك-نىڭ 571-بابى (اۆتوموبيل كولىگىمەن تاسىمالداۋدى جۇزەگە اسىرۋ كەزىندە تاسىمالداۋشىنىڭ تاۋار-كولىك جۇك قۇجاتىن جول پاراعىن ۇسىنباۋى) -14؛ ق ر ا ق ب ت ك-نىڭ 590-بابى 7-بولىگى (ءتيىستى رۇقساتسىز قايتا جابدىقتالعان كولىك قۇرالىن باسقارۋ) - 1؛ ق ر ا ق ب ت ك-نىڭ 590-بابى 9-بولىگى (تەحنيكالىق بايقاۋدان وتپەۋ) - 3؛ ق ر ا ق ب ت ك- نىڭ 591-بابى (ۇيالى تەلەفون پايدالانۋ) - 39؛ ق ر ا ق ب ت ك-نىڭ 595-بابى (مانيەۆر جاساۋ قاعيدالارىن بۇزۋ) - 1؛ ق ر ا ق ب ت ك-نىڭ 612-بابى 1-بولىگى (ساقتاندىرۋ پوليسسىز باسقارۋ) - 1؛ - كولىك قۇرالدارىن پايدالانۋعا تىيىم سالۋ(ايىپتۇراققا قويۋ) - 1.

اۆتوپاركتەردىڭ قىزمەتكەرلەرىنە قاتىستى ق ر ا ق ب ت ك 617-بابى بويىنشا ەكى اكىمشىلىك حاتتامادان تولتىرىلدى.

وسىنداي ءىس-شارالار جول-كولىك وقيعالارىنىڭ سانىن ازايتۋعا مۇمكىندىك بەرەدى.

ءوز كەزەگىندە جەرگىلىكتى پوليتسيا باسقارماسىنىڭ قىزمەتكەرلەرى جول قوزعالىسىنىڭ بارلىق قاتىسۋشىلارىن جول ءجۇرۋ ەرەجەلەرىن مۇلتىكسىز ساقتاۋدى سۇرايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى