باكۋدە وتكەن بوكس تۋرنيرىندە ا ي ب ا ريو وليمپياداسىنا 39 جولداما ويناتتى
وندا حالىقارالىق اۋەسقوي بوكس اسسوتسياتسياسى (ا ي ب ا) ريو- دە- جانەيرو وليمپياداسىنا 39 جولداما ويناتىلدى.
«بۇگىنگى تاڭدا ازيا بوكسىنىڭ وكىلدەرىنە بولاشاق وليمپيادا ويىندارىنىڭ 60 ليتسەنزياسى تيەسىلى. وتكەن ىرىكتەۋ تۋرنيرىندە يراك پەن كاتار سپورتشىلارى جاقسى قىرلارىنان كوزگە ءتۇستى، بۇل ەلدەردىڭ بوكسەرلەرى وليمپيادا ويىندارىنا العاش رەت قاتىسايىن دەپ وتىر. سونداي-اق، تاجىكستان مەن تۇرىكمەنستاننىڭ اتلەتتەرىنە دە ءبىر-ءبىر ليتسەنزيادان بۇيىردى»، - دەپ ازيا بوكس كونفەدەراتسياسىنىڭ اتقارۋشى ديرەكتورى باعداۋلەت تورەحانوۆ حابارلادى.
يراك بوكس قۇراماسىنىڭ باس جاتتىقتىرۋشىسى 1996 -جىلى اتلانت قالاسىندا وتكەن وليمپيادا ويىندارىنىڭ قولا جەڭىمپازى ءوزىمىزدىڭ بولات نيازىمبەتوۆ ەكەنىن اتاپ ايتقان ءجون، ول ەستافەتانى ءوزىنىڭ باپكەرى دامير بۋدانبەكوۆ قابىلداپ الدى.
ا ي ب ا شىلدە ايىندا تاعى 26 ليتسەنزيانى سىنعا سالماق جانە ولار ءۇشىن APB مەن WSB نۇسقاسى بويىنشا قاتىسۋشى بوكسشىلار ساراپقا سالادى. جالپى الداعى وليمپيادادا دۇنيەجۇزىنەن 286 بوكسشى قاتىسادى، ونىڭ ىشىندە 36 سى - ايەلدەر. بۇعان دەيىن حابارلاعانىمىزداي، ازيا ەلدەرىنەن وليمپياداعا قازاقستان مەن وزبەكستاننىڭ بوكستان قۇراماسى تولىق قۇرامدا قاتىسادى.
