شۆەيتساريا «قورعاس» ءىسى بويىنشا قازاقستانعا 390 ميلليون تەڭگە قايتاردى

بۇل اقشانىڭ 2012 -جىلدان بەرى حالىقارالىق ىزدەۋدە جۇرگەن قىلمىستىق ۇيىمداسقان توپتىڭ بەلسەندى مۇشەلەرىنىڭ ءبىرى ماعزۇم ابدىراليەۆكە تيەسىلى شۆەيتساريا بانكىندەگى شەتەلدىك كومپانيانىڭ شوتىندا بولعانى ايتىلادى.

«2020 -جىلعى 14-قىركۇيەكتە شۆەيتساريانىڭ فەدەرالدىق بيلىگى «قورعاس ءىسى« بويىنشا ۇيىمداسقان قىلمىستىق قوعامداستىق مۇشەلەرى جىمقىرىپ، شەتەلگە شىعارعان 390 ميلليون تەڭگەدەن اسا قاراجاتتى قازاقستانعا قايتاردى»، - دەلىنگەن حابارلامادا.

پروكۋراتۋرا مالىمەتىنشە، شۆەيتساريادان ابدىراليەۆتىڭ قىلمىستىق اكتيۆتەرىن قايتارۋ بويىنشا جۇمىس 2018 -جىلدان بەرى جۇرگىزىلگەن.

بۇعان دەيىن 2019 -جىلى وسى ءىس بويىنشا مەملەكەت كىرىسىنە شۆەيتساريادان 140 ميلليون تەڭگە قايتارىلعان بولاتىن.

وسىلايشا، وسى ءىس بويىنشا شۆەيتساريادان مەملەكەتتىك بيۋدجەتكە شەتەلدەن اكتيۆتەردى قايتارۋ بويىنشا جۇمىس شەڭبەرىندە تۇسكەن قاراجاتتىڭ جالپى سوماسى شامامەن 530 ميلليون تەڭگەگە (1,3 ميلليون ا ق ش دوللارىنان اسا) جەتتى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى