تۇرمەدە 39 جىلىن وتكىزگەن امەريكالىق اقتالىپ، 21 ميلليون دوللار الاتىن بولدى
1978 -جىلى كولي ءبىر ايەل مەن ونىڭ ءتورت جاستاعى ۇلىن ءولتىردى دەپ ايىپتالعان. ايىپتاۋشى جاقتىڭ باستى كۋاگەرى قازا تاپقان ايەلدىڭ كورشىسى بولعان. ول كوليدىڭ اۆتوكولىگىن ايەلدىڭ ءۇيىنىڭ ماڭىنان كورگەنىن ايتقان. ال تاعى ءبىر كورشىسى قايتىس بولعان ايەلدىڭ پاتەرىنەن شۋ ەستىگەنىن ءمالىم ەتكەن.
ۇزاق جىلداردان كەيىن تەرگەۋشىلەر كرەيگ كوليدىڭ كىناسىز ەكەنىن دالەلدەيتىن ايعاقتار تاپتى. قايتىس بولعان ايەلدىڭ توسەگىنەن باسقا ەر ادامنىڭ شاۋەتى مەن تەرى بولشەگىن انىقتاعان. ءتورت جاسار بالانىڭ كيىمىنەن دە كوليدىڭ د ن ق- سى تابىلعان جوق. 2017 -جىلدىڭ قاراشاسىندا كرەيگ 70 جاسىندا بوستاندىققا شىقتى. گۋبەرناتور دجەرري براۋننىڭ ايتۋىنشا، قالا وعان 21 ميلليون دوللاردىڭ 4,9 ميلليونىن عانا تولەيدى، ال قالعان قارجى باسقا جەرلەردەن تۇسەدى، ونىڭ ىشىندە ساقتاندىرۋ تولەمى دە بار. كاليفورنيا باسشىلىعىنىڭ مالىمدەسىندە وتكەن عاسىردا جاسالعان قاتەلىكتىڭ ورنىن ەشقانداي اقشا جۋىپ- شايا المايتىنى ايتىلعان.
www.24.kz
