قىزىلوردادا تەرروريستەرگە قارسى وپەراتسيا ءجۇرىپ جاتىر، 38 ادامنىڭ جاعدايى اۋىر
قىزىلوردا وبلىسىنىڭ اۋماعىندا تەرروريستەرگە قارسى وپەراتسيا جالعاسىپ جاتىر. قارۋلى توپ وبلىستىق، قالالىق اكىمدىككە، Nur Otan پارتياسى مەن وبلىستىق سوت عيماراتىنا شابۋىل جاساعان. قىزمەتكەرلەر شۇعىل تۇردە كوشىرىلگەن. جاراقات العان 168 ادام اۋرۋحاناعا جۇگىنگەن. ونىڭ 77 ءسى اۋرۋحاناعا جاتقىزىلدى، 38 ازامات جانساقتاۋ بولىمىندە جاتىر. وڭىردە جەدەل شتاب قۇرىلعان.
«باسا ايتۋ كەرەك، قوعامدىق ءتارتىپتى ورەسكەل بۇزىپ، جالعان اقپارات تاراتقان ازاماتتار جاۋاپكەرشىلىككە تارتىلادى. قىزىلوردا وبلىسى اۋماعىندا تەرروريستىك قاۋىپتىڭ قىزىل شەكتى دەڭگەيى ەنگىزىلۋىنە بايلانىستى تەرروريزمگە قارسى وپەراتسيا باستالدى. ايماقتا ەنگىزىلگەن شەكتەۋلەرگە وراي اسا قاجەت بولماسا، ۇيدەن سىرتقا شىقپاعان ءجون. شىققان جاعدايدا قولىڭىزدا جەكە كۋالىك بولۋى شارت»، - دەدى وبلىس اكىمى گۇلشارا ءابدىقالىقوۆا حالىققا جولداعان ۇندەۋىندە.
