بيىل «ەلدىڭ دامۋىنا قوسقان ۇلەسى ءۇشىن» سىيلىعى 38 ۇيىمعا بەرىلەدى
كونكۋرس كوميسسياعا پارلامەنت سەناتىنىڭ دەپۋتاتتارى ب. جۇماعۇلوۆ، د. نۇرجىگىت، «قازاقستاننىڭ ازاماتتىق اليانسى» ز ت ب پرەزيدەنتى جانە كوممەرتسيالىق ەمەس، كورپوراتيۆتىك جانە بيزنەس سەكتورىنىڭ وكىلدەرى قاتىستى.
«ۇكىمەتتىك ەمەس ۇيىمدارعا ارنالعان سىيلىق - 2017-جىلدان باستاپ مەملەكەت تاراپىنان كورسەتىلەتىن قولداۋ تەتىگى. جىل سايىن بۇل سىيلىق رەسپۋبليكالىق، سالالىق جانە وڭىرلىك دەڭگەيدە الەۋمەتتىك ماسەلەلەردى شەشۋگە ۇلەس قوسقان ۇيىمدارعا 15 باعىت بويىنشا بەرىلەدى. وسى جىلدار ىشىندە سىيلىقتى 185 ۇكىمەتتىك ەمەس ۇيىم الدى»، - دەدى جيىندا مينيستر ايدا بالايەۆا.
كونكۋرستىق كوميسسيانىڭ وتىرىسىنا ءبىرىنشى كەزەڭدە ازاماتتىق قوعام وكىلدەرى، ب ا ق، قوعام قايراتكەرلەرىنەن قۇرىلعان جۇمىس توبىنىڭ 63 تاۋەلسىز ساراپشىسى قاراعان 109 ءوتىنىم بويىنشا الدىن الا باعالاۋ قورىتىندىسى شىعارىلدى. ناتيجەسىندە كونكۋرستىق كوميسسيا مۇشەلەرى سىيلىقتى 38 جەڭىمپازعا بەرۋ تۋرالى شەشىمدى قولدادى. ولاردىڭ ەسىمى 27- قاراشادا وتەتىن IX ازاماتتىق فورۋمنىڭ جابىلۋىندا ايتىلادى. سونداي-اق، ايدا بالايەۆا سىيلىق بەرۋدىڭ مەحانيزمىن جەتىلدىرۋ، ىرىكتەۋدىڭ ناقتى كريتەريلەرىن انىقتاۋ قاجەتتىگىن اتاپ ءوتتى.
