قازاقستاندىق بوكسشى قارسىلاسىن 38 سەكۋندتا ۇتتى
24 جاستاعى سويلىبايەۆتىڭ قارسىلاسى مەكسيكالىق سەرحيو ناحەر بولدى. گونگ ەستىلىسىمەن-اق، شابۋىلعا كوشكەن جەرلەسىمىز ۇزدىكسىز سوققىلاپ، قىسىم كورسەتكەن. وسىنىڭ ارقاسىندا قارسىلاسىنىڭ اشىق قالعان تۇسىنان اۋىر سوققى جۇمسادى. مۇنداي قىسىمعا شىداماعان مەكسيكالىق ەسىنەن ايىرىلىپ قۇلايدى. ال تورەشى كەزدەسۋدىڭ نەبارى 38- سەكۋندىندا جەكپە-جەكتى اياقتاۋعا ءماجبۇر بولدى.
بۇل جەڭىس - سويلىبايەۆتىڭ كاسىبي مانسابىنداعى ۋاقىتىنان ەرتە اياقتاعان ءۇشىنشى جەكپە-جەگى. ال سەرحيو ناحەر ءوزىنىڭ 20- جەڭىلىسىنە ۇشىرادى (10 جەڭىس، 2 تەڭ كەزدەسۋ).
جەكپە-جەك كاليفورنيا شتاتىنداعى چينو قالاسىندا كاسىبي بوكسشىلار شوۋى كەزدەسۋىنىڭ اياسىندا ءوتتى.
