تالدىقورعاندا بوس جۇمىس ورىندارى جارمەڭكەسىندە 382 ادام جۇمىس تاپتى -فوتو
« قالا كۇنىن تويلاۋ قارساڭىندا ازاماتتار بىرلىك پەن مەرەكەنى سەزىنۋلەرى ءۇشىن وبلىس ورتالىعىندا ءبىرقاتار شارا وتەدى. بوس جۇمىس ورىندارى جارمەڭكەسى جۇمىسسىز تۇرعىندارعا كومەكتەسەدى. مۇندا ءتۇرلى ۇيىمدارداعى قىزمەتتەر ۇسىنىلدى» ، - دەدى قالا اكىمىنىڭ ورىنباسارى مارلەن كولبايەۆ.
جارمەڭكەنى وتكىزۋ كەزىندە بارلىعى 382 ادام جۇمىسقا ورنالاستى. تالدىقورعان پوليتەحنيكالىق كوللەدجدىڭ تۇلەگى زارينا جولامان - وسى جەردە جۇمىس تاپقانداردىڭ ءبىرى.
« بۋحگالتەردىڭ كومەكشىسى بولىپ ورنالاسقانىما قۋانىشتىمىن. شارا ۇيىمداستىرۋشىلارىنا العىس ايتقىم كەلەدى» ، - دەدى زارينا.
ەڭبەكپەن قامتۋ جانە الەۋمەتتىك باعدارلامالار ءبولىمىنىڭ باسشىسى شايزادا مۇحامەتجان ايتقانداي، مۇمكىندىگى شەكتەۋلى جانداردى ەڭبەكپەن قامتۋعا كوپ كوڭىل بولىنەدى. جىل باسىنان 107 جارىم جان تۇراقتى جۇمىس ورنىمەن قامتاماسىز ەتىلدى. 
