استانادا 38 جانە 33 جاستاعى ەكى تۇرعىن مەنينگيت كۇدىگىمەن اۋرۋحاناعا ءتۇستى

«2018 -جىلدىڭ 6 -ماۋسىمىندا 1985 -جىلى تۋعان ەر ادام مەنينگوكوكك ينفەكسياسىن جۇقتىردى دەگەن كۇدىكپەن قالالىق جۇقپالى اۋرۋلار اۋرۋحاناسىنا ءتۇستى. ازىرگە ونىڭ جاعدايى اۋىر، جانساقتاۋ بولىمىندە جاتىر. تەكسەرۋ جۇمىستارى جۇرۋدە»، - دەلىنگەن باسقارمانىڭ باسپا ءسوز قىزمەتى جىبەرگەن حابارلامادا.

سونداي-اق، كەشە ءدال وسى اۋرۋحاناعا 1980 -جىلى تۋعان ايەل جاتقىزىلدى.

الدىن الا بولجام بويىنشا، دارىگەرلەر وعان مەنينگوكوكك ينفەكسياسى، مەنينگوكوكسەميا دياگنوزدارىن قويىپ وتىر.

«ناۋقاس ايەلدىڭ جاعدايى ورتاشا، قازىرگى ۋاقىتتا ول اۋرۋحانانىڭ ارنايى بولىمىندە جاتىر. ەكى ناۋقاستىڭ دا دياگنوزدارىنىڭ الدىن الا بولجام ەكەنىن ەسكە سالامىز. ناقتى دياگنوز بارلىق زەرتحانالىق زەرتتەۋلەردەن كەيىن عانا جاريالانادى»، - دەپ مالىمدەدى استانا قالاسىنىڭ دەنساۋلىق ساقتاۋ باسقارماسى.

ەسكە سالا كەتسەك، استاناداعى بالالار جۇقپالى اۋرۋلار اۋرۋحاناسىندا دياگنوزى «مەنينگوكوكك ينفەكسياسى» ەكەنى راستالعان ەكى بالا جاتىر.

دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، 2018 -جىلدىڭ باسىنان بەرى قازاقستاندا مەنينگوكوكك ينفەكسياسىن جۇقتىرۋ كۇدىگىمەن 593 ادام قارالعان، ولاردىڭ 213 ەمدەۋگە جاتقىزىلعان. 58 ناۋقاستان مەنينگوكوكك ينفەكتسياسى راستالدى. بۇگىنگە دەيىن ون ادام ەمدەلىپ شىعارىلدى، 55 ى ەمىن جالعاستىرۋدا.

بۇگىن ق ر باس مەملەكەتتىك سانيتاريالىق دارىگەرى جانداربەك بەكشين قازاقستاننىڭ مەنينگيتتىڭ شارىقتاۋ شەگىنەن وتكەنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى