پاريجدە جارىلىس سالدارىنان زارداپ شەككەندەر سانى 37 ادامعا جەتتى

تاعى ءتورت ادام اۋىر حالدە جاتىر. بۇل تۋرالى قازاقپارات Euronews-كە سىلتەمە جاساپ حابارلايدى.

اگەنتتىكتىڭ حابارلاۋىنشا، ۇيىندىلەر استىندا تاعى ەكى ادام قالۋى مۇمكىن.

وقيعا فرانسيا استاناسىنىڭ بەسىنشى اۋدانىندا، ليۋكسەمبۋرگ ساياباعى مەن پانتەونعا جاقىن جەردە ورنالاسقان پاريجدەگى امەريكا اكادەمياسىنىڭ عيماراتىندا بولدى.

الدىن الا بولجام بويىنشا، عيمارات ىشىندە گاز جارىلىپ، قاسبەتى جولعا قۇلادى. جاقىن ماڭداعى ۇيلەردىڭ تۇرعىندارى ەۆاكۋاتسيالاندى.

وقيعا ورنىنا ەكى جۇزدەن استام ءورت ءسوندىرۋشى، قۇتقارۋ قىزمەتتەرى، سونداي-اق پاريج مەرى انن يدالگو كەلدى.

پروكۋراتۋرا جارىلىس سەبەبىنىڭ ەكى نۇسقاسىن تەرگەۋ ۇستىندە - «قاۋىپسىزدىك ەرەجەلەرىن بۇزۋ» جانە «ادامداردىڭ سالاقتىعى». بۇل تۋرالى بريفينگتە پاريج پروكۋرورى لور بەكيۋو مالىمدەدى.

وسىعان دەيىن پاريج ورتالىعىندا جارىلىس بولىپ، كەم دەگەندە 16 ادام زارداپ شەككەنىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى