وتكەن تاۋلىكتە نۇر-سۇلتاندا كارانتين رەجيمى 37 رەت بۇزىلدى
باسپا ءسوز قىزمەتى تاراتقان مالىمەتتەرگە قاراعاندا، وسى ۋاقىتتا قالادا «ۋچاستوك» جەدەل ساۋىقتىرۋ شاراسى ءجۇرىپ جاتىر. ونىڭ بارىسىندا كارانتين رەجيمىن بۇزۋ فاكتىلەرىن انىقتاۋمەن اينالىساتىن ارنايى موبيلدى توپ قالاداعى مەيرامحانا، كومپيۋتەر كلۋبتارى، دۇكەندەر سياقتى حالىق ءجيى باس سۇعاتىن ورىنداردى تەكسەرىپ جاتىر.
كارانتين رەجيمىن بۇزۋ فاكتىلەرىنىڭ ءبىرى 9- قىركۇيەكتە «FAKIR» كاليان بارىنان انىقتالدى.
اتالمىش نىساندا كارانتين شەكەۋلەرىنە قاراماستان وندا كەلۋشىلەرگە كاليان شەگۋگە رۇقسات بەرىلگەن.
زاڭ بۇزۋشىلارعا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 441- بابى 1- بولىگى بويىنشا حاتتاما تولتىرىلدى. سونداي-اق بار اكىمشىلىگى دە ق ر اكىمشىلىك قۇقىق بۇزۋشىلىق تۋرالى كودەكسىنىڭ 441- بابى 3- بولىگى بويىنشا اكىمشىلىك جاۋاپقا تارتىلىپ، 25 ايلىق ەسەپتىك كورسەتكىش كولەمىندە ايىپپۇل سالىندى.
سونداي-اق وسى كۇنى ساعات 23:30 دار شاماسىندا ەدىل كوشەسىندە ورنالاسقان «Pinqwin» بوۋلينگ ورتالىعى ءتيىستى شەكتەۋلەرگە قاراماستان جۇمىسىن جالعاستىرا بەرگەن. عيمارتتا تەكسەرۋشىلەر بارعان كەزدە 15 كليەنت پەن ورتالىق قىزمەتشىلەرى جۇرگەن. ولار وزارا قاشىقتىقتى ساقتاماي، وسى اركەتتەرى ارقىلى باس سانيتاريا دارىگەرى قاۋلىسىنىڭ تالاپتارىن بۇزدى.
تەكسەرۋ بارىسىندا كاسىپكەرلىك نىساندارىنا قاتىستى جينالعان ماتەريالدار اكىمشىلىك جاۋاپقا تارتۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.
نۇر-سۇلتان قالالىق پوليتسيا دپارتامەنتى كارانتين رەجيمىن ساقتاماعان جاعدايدا كوروناۆيرۋس ينفەكتسياسىنىڭ تاراۋ قاۋىپى تۋىندايتىنىن جانە ول ءۇشىن جاۋاپكەرشىلىك قاراستىرىلعانىن ەسكە سالدى.
