تۇركىستان وبلىسىندا 37 تۇلعا پارا العانى ءۇشىن قىلمىستىق جاۋاپكەرشىلىككە تارتىلعان

بۇل تۋرالى بريفينگتە وبلىس بويىنشا ق ر سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ جەدەل باسقارماسىنىڭ باسشىسى سۇلتان پىرمەتوۆ مالىمدەدى.

سۇلتان پىرمەتوۆتىڭ ايتۋىنشا، جىل باسىنان بەرى دەپارتامەنتتە 72 قىلمىس تىركەلگەن. ونىڭ 59 سىبايلاس جەمقورلىق قىلمىسى بولسا، 31 ى اۋىر جانە اسا اۋىر قىلمىستار ساناتىنا جاتادى.

«اتاپ ايتساق، پاراقورلىق بويىنشا – 37، جۇيەلى قىلمىستار – 2، وبلىستىق دەڭگەيدەگى لاۋازىمدى تۇلعا – 2، مەملەكەتتىك باعدارلاما – 8، شاعىن كاسىپكەرلىككە زاڭسىز ارالاسۋ بويىنشا - 14 قۇقىقبۇزۋشىلىق دەرەگى انىقتالعان. سىبايلاس جەمقورلىق قۇقىقبۇزۋشىلىقتاردى سوتقا دەيىنگى تەرگەۋ بويىنشا سەگىز ايدا دەپارتامەنتتىڭ وندىرىسىندە بولعان جالپى 254 قىلمىستىق ءىستىڭ، 172 سى وندىرىسپەن اياقتالعان. 58 قىلمىستىق ءىس بويىنشا ايىپتاۋ اكتىسى سوت قاراۋىنا جولداندى»، - دەدى سۇلتان پىرمەتوۆ.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى