وڭتۇستىك قازاقستاندا زاڭسىز جۇرگەن 37 شەتەلدىك ەلدەن قۋىلدى - فوتو
و ق و ءى ءى د كوشى- قون پوليتسياسى باسقارماسىنان ءمالىم ەتكەندەي، 920 فاكتى بويىنشا ەلىمىزدىڭ 151 جانە شەتەلدىڭ 769 ازاماتى اكىمشىلىك جاۋاپكەرشىلىككە تارتىلدى. 502 قۇقىق بۇزۋشىعا ەسكەرتۋ جاسالىپ، 105 تۇلعاعا اكىمشىلىك ايىپپۇل سالىندى.
بەلگىلى بولعانداي، كورشى ەلدەردىڭ ازاماتتارى وبلىس اۋماعىنا كەلگەننەن كەيىن تىركەۋگە تۇرماي، جالدامالى جۇمىس ىستەگەن. قۇجاتتارىن تەكسەرۋ بارىسىندا وزگە دە ءتۇرلى كەمشىلىكتەر انىقتالعان. ناتيجەسىندە 276 شەتەل ازاماتى اكىمشىلىك قاماۋعا الىنىپ، 106-سىنا ەل اۋماعىندا بولۋ مەرزىمى قىسقارتىلدى. سونداي-اق قابىلداپ-تاراتۋ ورنىنا وزدەرىمەن بىرگە قۇجاتتارى جوق 106 ادام جەتكىزىلدى.
وبلىستا كوشى-قون زاڭدىلىقتارىن بۇزعان جانە زاڭسىز شەتەل ازاماتتارىن جۇمىس كۇشى رەتىندە پايدالانعان 151 جەرگىلىكتى تۇرعىن اكىمشىلىك جاۋاپكەرشىلىككە تارتىلدى. ميگرانتتاردى ەلدەن شىعارۋ بويىنشا سوت شەشىمىن ورىنداماعان 6 جايتقا قاتىستى سوتقا دەيىنگى تەرگەۋ امالدارى جۇرگىزىلىپ، قۇقىق بۇزۋشىلارعا 1,3 ميلليون تەڭگەدەن استام ايىپپۇل سالىندى.
