الماتى ماڭىنداعى تاۋ بوكتەرلەرىنىڭ 37 گەكتار جەرىنە اعاش وتىرعىزىلادى

 بۇل تۋرالى بۇگىن ىلە- الاتاۋ ۇلتتىق تابيعي ساياباعىنىڭ ديرەكتورى مارلەن اينابەكوۆ مالىمدەدى.

ونىڭ ايتۋىنشا، 2011 - جىلدان كۇنى بۇگىنگە دەيىن تاۋ باۋرايلارىنداعى 464 گەكتار جەر قۇلاعان اعاشتاردان تازارتىلعان.

 «بيىل 37 گەكتار جەرگە اعاش وتىرعىزۋدى جوسپارلاپ وتىرمىز. تاۋ بوكتەرلەرىنەن جالپى كولەمى 100 مىڭ تەكشە مەتر بولاتىن ورمان اعاشتارى شىعارىلدى. 2012 - جىلى 43,5 گەكتارعا اعاش وتىرعىزعان بولاتىنبىز. ال جالپى، 2015 - جىلعا دەيىن 122,5 گەكتارعا اعاش وتىرعىزۋ كوزدەلگەن. وسى جانە باسقا دا ورماندى قالپىنا كەلتىرۋ جۇمىستارىنا 87 ميلليون تەڭگە، ال ورماندى قورعاۋ شارالارىنا 35 ميلليون تەڭگە بولىنگەن»، - دەدى ۇلتتىق ساياباقتىڭ ديرەكتورى.

 ودان باسقا، م. اينابەكوۆ بيىل ادەتتەگىدەي جىل سايىنعى «ساياباقتار شەرۋى-2015» تابيعاتتى قورعاۋ باعدارلاماسى قولعا الىناتىندىعىن ايتتى. وسى شارا اياسىندا ساياباقتىڭ اۋماعى قوقىستاردان تازارتىلىپ، ءارتۇرلى اعاش كوشەتتەرى وتىرعىزىلاتىن بولادى. سونىمەن قاتار الداعى 19 - ساۋىردە موحناتكا تاۋىندا «ءوز اعاشىڭدى وتىرعىز» اكسياسى وتەدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى