وسىدان 37 جىل بۇرىن تۇرمەدەن قاشقان ەر ادام تۇتقىندالدى
1977-جىلى سولتۇستىك كارولينا شتاتىندا ەكى رەت بانك توناۋعا ارەكەت جاساعانى ءۇشىن 30 جىل تۇرمەدە وتىرعان ۋولتەر ميللەر جازالاۋ ورنىنان قاشىپ كەتكەن، دەپ حابارلادى ت ا س س. سودان بەرى ول نيۋ-يوركتىڭ برۋكلين اۋدانىندا جالعان ەسىممەن ءومىر ءسۇرىپ كەلگەن. 1985-جىلى ۇيلەنگەن، ءتورت بالاسى بار. ول بىرنەشە جەردە جۇمىس ىستەپ، شىركەۋگە دە بارىپ تۇرعان.
ميللەر ءوز ۇيىندە تۇتقىندالدى: تاڭەرتەڭ ەرتە ونى پوليتسەيلەر الىپ كەتتى.
تاياۋ كۇندەرى سوت ونى جازاسىن وتەۋ ءۇشىن سولتۇستىك كاروليناعا جىبەرۋ ماسەلەسىن قارايتىن بولادى. ميللەردىڭ ايەلى مەن بالالارى قاشقىننىڭ وتكەن ءومىرى جايلى مۇلدەم بىلمەگەن، ولار بيلىكتىڭ كەشىرىم جاسايتىنىنا ۇمىتتەنىپ وتىر.
ساقشىلاردىڭ ميللەردىڭ ىزىنە قالاي تۇسكەنى ازىرگە بەلگىسىز.
